Qeveria distancohet nga zgjedhjet vetëm në orarin zyrtar

Qeveria premton paanshmëri politike për zgjedhjet por vetëm në orarin zyrtar të administratës.

Në një VKM të publikuar këtë të premte nënvizohet se “Punonjësit e administratës shtetërore, pas orarit zyrtar të punës dhe jashtë mjediseve të institucioneve shtetërore, kanë të drejtë të marrë pjesë në veprimtari politike apo zgjedhore të një partie politike ose kandidati në zgjedhje”

Po me një VKM të posaçme, pezullohen të gjithë procedurat e prokurimit nga njësitë e qeverisjes vendore dhe autoritetet kontraktore në varësi të tyre.

Monitorimi i këtyre vendimeve në nivel vendor dhe qendror do të monitorohen nga një Task Force që do të udhëhiqet nga zv.kryeministri Erjon Braçe. Sipas qeverisë, “këto masa kanë një qëllim të vetëm, që këto zgjedhje të jenë më të mirat në historinë e demokracisë shqiptare, duke ofruar një transparencë të plotë dhe standartet europiane që do t’i hapin rrugën e negociatave të anëtarësimit vendit tonë”