Rama e ka nën dorë arsyen e mosdekretimit të Lleshajt

Kryeministri foli me dyer të mbyllura në grupin parlamentar për përplasjen e tij me Ilir Metën duke thënë se Presidenti është duke kërkuar një konflikt me mazhorancën. Kësisoj sipas Ramës, arsyet e mosdekretimit të Sandër Lleshajt janë të sforcuara dhe të paqena.

Mediat raportuan për një letër që i ka shkuar kryeministrit nga zyra e Presidentit me të gjitha arsyet e mosdekretimit të Sandër Lleshajt. E pyetur nga Respublica nëse Presidenti do ta bëjë publike letrën, zyra për shtyp e tij se për momentin nuk është vendosur për ta publikuar.

Ndërsa në emisionin “Opinion duke iu referuar burimeve nga Presidenca, u bë me dije se presidenti Meta është i gatshëm t’i thotë arsyet e mosdekretimit të Sandër Lleshit për ministër të Brendshëm në një mbledhje me dyer të mbyllura ose nëse parlamenti gjykon se duhet të bëhet me dyer të hapura, të hapura.