By Pass-et e Vlorës dhe Fierit, rinisin punimet në korrik

Në pranverë do të rifillojnë punimet për By-passin e Vlorës dhe atë të Fierit, me shprsën që në muajin korrik të hapet njëri krah i rrugës në By Pass-in e Fierit. Zv/ministri i Infrastrukturës Artan Shkreli, tha në komisionin e ekonomisë se shumë shpejt do të shpallet fituesi i ri i cili do të përfundojë këto segmente.

Këtë vit qeveria do të nisë edhe ndërtimin e tre rrugëve të reja, rruga Vaqarr- Kavajë dhe ajo Milot – Balldrem, do të ndërtohen në partneritet me privatin, ndërsa do të hartohet projekti i segmetnit Elbasan-Qukës.

Ministria e Infrastrukturës është duke hartuar dhe projektin për të ndërtuar By-pass-in e Tiranës, i cili pritet të shfryjë fluksin e mjeteve që nuk kanë qëllim qarkullimin në kryeqytet. Pika e nisjes së tij mendohet të jetë Kashari, i cili më pas do të lidhet me Arbanën dhe rrugën Tiranë – Elbasan.