Italia dëbon ambasadorin e Koresë së Veriut

Italia ka kërkuar që ambasadori i Koresë së Veriut në Romë, procesi i akreditimit i të cilit nuk është përfunduar ende të largohet nga vendi në shenjë proteste për nisjen e raketave balistike dhe testimin e armëve bërthamore të Phenianit.
"Ne kemi vendosur të ndërpresim procesin e akreditimit. Ambasadori do të duhet të largohet nga vendi"-tha ministri i jashtëm italian Angelino Alfano në një intervistë për La Repubblica.
"Ne duam të bëjmë Korenë e Veriut të kuptojnë se izolimi është e pashmangshëm në qoftë se ajo nuk do të ndryshojë politikën"-shtoi Alfano, duke theksuar se Italia nuk do të ndërpresë marrëdhëniet dypalëshe diplomatike, sepse "ato janë gjithmonë të dobishme për të mbajtur një kanal komunikimi" .
Pheniani kishte emëruar në korrik Jong Nam, një anëtar të Ministrisë së Jashtme, si ambasadorin e ri të Koresë së Veriut në Romë, një pozicion i cili mbeti vakant për një vit. Ambasadori i ri tashmë kishte filluar të punonte, edhe pse procesi i tij i akreditimit ishte ende në zhvillim e sipër.