“Viza të arta” për miliarderët rusë dhe ukrainas në Qipro

Oligarkë dhe miliarderë ruse si dhe anëtarë të elitës ukrainase të akuzuar për korrupsion janë ndër qindra personat  që kanë marrë pasaporta evropiane nëpërmjet asaj që quhet "viza e artë", sipas një artikulli të Guardian. Qeveria qipriote ka fituar më shumë se 4 miliardë euro që nga viti 2013, duke duke u dhënë atyre të drejtën për të jetuar dhe punuar në të gjithë Bashkimin Evropian në këmbim të investimeve në Qipro.

Vetëm në vitin 2016,  janë lëshuar më shumë se 400 pasaporta përmes këtij programi. Kjo praktikë u nisi të zbatohej që para vitit 2013, por me një ritëm më të matur nga ministrat e atëhershëm. Rrjedhja e një liste emrash që kanë përfituar nga kjo marrëveshje dhe që ishte në posedim të gazetës britanike përfshin sipërmarrës të shquar dhe njerëz me ndikim të rëndësishëm politik. Ky rrjedhje e veçantë e emave është e para që ndodh, duke zbuluar ndër të tjera personalitete të tilla si një ish-anëtar i parlamentit rus, themeluesit e bankës më të madhe tregtare ukrainase, e kështu me radhë.

Politikanët evropianë po e shohin këtë çështje me shqetësim të madh, ndërsa disa theksojnë se dhënia e papërshtatshme e pasaportave evropiane përmes "vizës së artë" minon konceptin e shtetësisë. Ana Gomes, një anëtare e Parlamentit Europian, e përshkroi procesin si "joetik dhe të çoroditur". "Unë nuk jam kundër granteve të shtetësisë individuale për dikë që do të japë një kontribut të veçantë në vend, për shembull në Arte, Shkenca dhe madje në investimet. Por është një grant, jo një shitje"-tha ajo dhe shtoi se ishte përpjekur të merrte listën e mbajtësve të" vizave të arta "në Portugali, por dështoi. "Cili është sekreti? Sekreti e bën të duket e dyshimtë, shumë i dyshimtë e gjitha kjo"- thekson Gomes.

http://www.huffingtonpost.gr/2017/09/18/eidiseis-diethnes-kypros-ypikoot...