Rama: PS në proces transformimi, po hapemi si parti

Krenar për PS-në, si e vetmja forcë për Shqipërinë e së ardhmes, është shprehur kryeministri Rama pas votimit për delegatët e Tiranës në kongresin e Partisë. Ai ka numëruar proceset e shumta zgjedhore që janë bërë vetëm në një muaj në PS, Rama ka deklaruar se janë këto procese që bëjnë diferencën mes PS dhe të tjerëve.
“Janë procese që janë përfshirë një numër i jashtëzakonshëm zgjedhësish në një moment transformimi të PS që po hapet, po rritet jo vetëm në numër por edhe në cilësinë e strukturës së saj, duke synuar një reformim rrënjësor të strukturës e përbërjes sociale. Jam krenar për PS, i bëj thirrje atyre që duan të shohin një orë e më parë rezultatet e reformave ti bashkohen PS se është e vetmja fuqi që siguron ecjen në drejtimin e duhur dhe ka kapacitet morale e intelektuale e politike për të transformuar vendin mes reformash”- deklaroi Rama.