Dekriminalizohet Parlamenti , kriminalizohet Partia Socialiste. PD: “Persona me precedentë kriminalë kanë në dorë disa degë të PS-në”

Në momentin që është miratuar ligji për dekriminalizimin dhe pritet pastrimi në disa mandate, kreu i PD-së, Lulzim Basha, deklaron se kryetari i PS-së, kryeministri Edi Rama, po e transferon problemin drejt degëve të partisë së tij. “Persona të dënuar me preçedentë të tmerrshëm kriminalë, diktojnë ose kanë marrë në dorë Partinë Socialiste në Lezhë, Shkodër, Malësi të Madhe, Krujë, Fushë- Krujë, Kurbin, Has, Fushë Arrëz, Pukë e Mirditë, Kavajë, Lushnjë, Divjakë, Tepelenë e Këlcyrë dhe me gjasë Edi Rama ka ndërmend ta shtrijë në të gjithë vendin. Kjo dëshmon se ai nuk ndahet dot nga krimi, se pakti me krimin vazhdon. Inkriminimi i Partisë është njësoj i dëmshëm, promovimi i bandidtëve, vrasësve, trafikantëve është garanci se ai stan atë bulmet do të nxjerrë. Është e qartë se kjo është metoda e Edi Ramës, kalkulimi i tij për zgjedhjet e ardhshme”, tha Basha.  Sipas tij krimi po synohet që të përdoret në zgjedhje, një qëndrim ky që hap diskutime për garanci shtesë në zgjedhjet e ardhshme parlamentare. “E vetmja shpresë që ka, është se me banditët kriminelët që po transferon në parti, pasi ligji për dekriminalizmin I nxjerr jashtë qeverisjes të kapë dhunojë e manipulojë zgjedhjet.” u ai.