Shqipëria humb shansin, italianët ndërtojnë linjën e ballkanike të transmetimit të energjisë nga Mali i Zi

“Monitor” shkruan se kompania shtetërore italiane e transmetimit të Energjisë, TERNA është duke avancuar në ndërtimin e një linje kabllore nënujore për transmetimin e energjisë elektrike me Malin e Zi, e parashikuar për të nisur nga transmetimi i energjisë në vitin 2017. Sipas “Monitor”, me ndërtimin e saj Shqipëria humbi përfundimisht mundësinë për të tranzituar në periudhë afatmesme energjinë nga Ballkani në Itali dhe anasjelltas, kur dihet se interesi i kompanive shtetërore italiane ka qene shumë i madh që linja e transmetimit të energjisë me kabull nënujor të niste nga Shqipëria, nisur nga distanca e shkurtër qe mundësonte projektin me kosto më të ulët. Linja e transmetimit të energjisë me kabull nënujor do të lidhë Italinë me Ballkanin nëpërmjet në 415 kilometër me kapacitet 400 kilovolt nga Villanova në Kotorr me një kapacitet transmetues prej 1,000 megavat. Përpjekjet gati 6 vjeçare me Shqipërinë nuk kanë rezultuar të suksesshme ndaj fqinjët italianë e kanë finalizuar projektin e transmetimit të energjisë me Malin e Zi. Punimet janë duke avancuar. Investimi nga TERNA kap një vlerë 760 milionë euro, ku 100 milionë euro ishin investime në rrjetin ekzistues në Malin e Zi.