2500 euro

Një shqiptar me të ardhura mesatare do të duhet të punojë në më shumë se gjysmën e vitit për të shlyer pjesën e tij të borxhit kombëtar. Kjo sepse në mesin e vitit 2015, borxhi publik i Shqipërisë ka arritur në mbi 2500 euro për frymë. Sipas të dhënave nga Ministria e Financave dhe Instituti i Statistikave, borxhi publik, pa përfshirë detyrimet e prapambetura për çdo qytetar shqiptar përbën rreth 70% të prodhimit vjetor për frymë. Mbështetur në të dhënat statistikore, borxhi për frymë ka vlerën e më shumë se shtatë pagave mesatare mujore në ekonominë shqiptare.