pd

Opozita parlamentare ka deklaruar se në çadrën e ngritur në bulevardin “Dëshmorët e Kombit” do të zhvillohen punimet e një parlamenti të ri, legjitim sipas saj. Kryetari I PD-së, Lulzim Basha, deklaroi dje qartë se:

“Nesër në këtë tendë, do të nisë punimet Parlamenti i ri shqiptar. Nesër nga kjo tendë ftoj çdo deputet jo të lidhur me krimin, pa rekodre kriminale, të vijë në këtë aulë të vërtetë të demokracisë, sepse ky është Parlamenti Shqiptar”.

Dy lajme të përcjella dje dhe sot i japin protestës së PD-së një profil politik real.

Së pari është darka mes kryeministrit Edi Rama dhe kryeparlamentarit Ilir Meta. Në çdo rast darka mes tyre, e raportuar si një mundësi kontakti për protestën, na thotë se lëvizja e PD-së ka provokuar zhvillime politike. Është e kotë të ngresh hamendësime për oreksin e Metës dhe dietën e Ramës, por fakt është se një arritje e protestës është se ajo, pavarësisht se po synohet të vihet në lojë, ka nxjerrë në pah tensionin dhe diferencat në koalicionin qeverisës.

Të "ngujuar" në grevë urie një pjesë e banorëve të fshatit Zharrës në Patos janë nisur në këmbë drejt kryeqytetit për t’iu bashkuar protestës së opozitës. Ndonëse e mbështetur politikisht nga strukturat lokale të Partisë Demokratike, greva e tyre ka të bëjë me shpërthimet në nga kompania Bankers, të cilat kanë dëmtuar dhjetra banesa. Qeveria nuk ka gjetur ende një zgjidhje, ndonëse me urdhër të kryeministrit u ngrit një grup pune që vlerësoi situatën nga shpërthimet dhe sugjeroi sistemimin banorëve të cilëve u janë dëmtuar banesat.

Ka nisur një përpjekje e madhe nga sazaxhinjtë mediatikë të pushtetit, apo edhe nga “inelektualë” të ndryshëm kundër protestës së organizuar nga PD-ja. Në veprim është hedhur i gjithë arsenali i teorive të konspiracionit të kafeneve të para 96-ës, kur Sazanin desh e morën amerikanët, e kur UDB-ja kishte plane nga më të çuditshmet në Shqipëri.

“Opozita kërkon gjëra që nuk varen nga ne”. Kështu raportohet nga mediat të jetë shprehur kryeministri Edi Rama në mbledhjen e Grupit Parlamentar të PS-së ku siç thuhet ka dhënë porosinë që “të mos merren me protestën e tyre”.

Shqipëria përjetoi një tjetër ngjarje politike me protagoniste opozitën e udhëhequr nga Partia Demokratike, e cila po konsumon një aksion që pavarësisht numrave apo frymës që ka, ngre shqetësime për gjendjen aktuale në vend, siç janë inkriminimi i parlamentit, situata e drogës, represioni shtetëror mbi debitorët, papunësia apo dhe mungesa e garancive për zgjedhje me standarde.
E sforcuar ose jo, opozita arriti të mobilizojë mbështetësit e saj për t’ë sjellë një numër të konsiderueshëm qytetarësh nga disa rrethe të vendit të protestojnë përpara kryeministrisë së vendit.

Partia Demokratike ka nisur atë që kishtë ditë që e premtonte: protestën e zgjatur deri në rezistencë ndaj qeverisë së drejtuar nga Edi Rama. Dinamika e ngjarjeve të sotme në bulevardin e Tiranës, ka përgënjeshtruar të gjithë zërat kundër protestës, të cilët çuditërisht vijnë edhe nga mediat. Pjesëmarrja ka qenë masive, duke përftuar kështu seriozitetin e PD-së në organizimin e saj. Ajo është zhvilluar pa incidente, korrekte dhe në përputhje me pritmërinë e një qëndrimi me orë të zgjatuara nga një parti e cila po kërkon garanci për zgjedhjet parlamentare te largimi i kryeministrit aktual.

Protesta të tilla u bëfshin çdo ditë dhe urojmë që qeveria të reflektojë ndaj pakënaqësisë së qytetarëve. Një protestë të tillë mund ta bëjnë edhe sindikatat, edhe vetë qytetarët pa pasur nevojë t’i organizojë Berisha, Basha dhe Mediu. Por, më mirë kështu, meqenëse edhe zgjedhjet janë afër. Tani që protesta u fashit dhe në shesh ka mbetur vetëm një grup i vogël mbështetësish të PD-së dhe punëtorët që montojnë çadrën, mund të ngremë pyetjen: Po më tej? Përgjigjen e kanë të qartë organizatorët, që në kopjimin e idesë së protestës me çadra nga socialistët për zgjedhjet në 2010-n.

Partia Demokratike ka nisur siç premtoi protestën e saj në bulevardin qendror të Tiranës. Protesta ka kaluar pa eksese dhe oratorët kanë mbajtur fjalimet e tyre kundër qverisjes së keqe dhe situatës aktuale. Në vijim të protestës, PD-ja ka vendosur të ngujohet në bulevard duke ngritur çadrat, aty ku disa vite më parë socialistët bënin të njëjtën gjë pas zgjedhjeve të vitit 2009.  Kreu i PD-së, Lulzim Basha, ka deklaruar se edhe ai do të qëndrojë në shesh me protestuesit.

Partia Demokratike po përgatitet prej ditësh për një tubim- protestë që do të zhvillohet këtë të shtunë në Tiranë. Ky manifestim i opozitës po pritet si një provë e forcës së saj dhe po shihet si një sfidë e PD pas katër vitesh plot ulje- ngritje në përballjen me mazhorancën e Edi Ramës.