Gjykata Kushtetuese

Shoqata e Ndërtuesve e kundërshton ligjin, i cili i detyron që duke filluar nga viti i ardhshëm, 3% të apartamenteve të ndërtesave të reja t’i jepen bashkisë si fond për banesa sociale. Kryetari i Shoqatës së Ndërtuesve, Arben Dervishi, deklaroi se shumë shpejt do ta ankimojë ligjin në Gjykatën Kushtetuese.

Gazeta e Carlo Bolinos, “shqiptarja.com” shkruan se përgjegjësinë për defunksionalizimin e Gjykatës Kushtetuese e ka Partia Demokratike. Për ta argumetnuar këtë tezë të vetën që synon të heqë çdo akuzë ndaj kryeministrit si fajtor kryesor për këtë paralzë të paprecedentë, gazeta në fjalë huazon, me gjasë nga imagjinata, disa argumente specifikë.

Zoti Rama ka rifutur në lojë deputetët e vet besnikë për të goditur presidentin e Republikës. Ermonela Fellaj dhe Lindita Nikolla kanë thyer monotoninë e Taulant Ballës dhe Elisa Spiropalit për të dalë sot me qëndrime që kundërshtojnë kreun e shtetit.

Si ta komentojmë protestën e sotme? 

Së pari duhet të shquajmë rrezikun e dëmtimit të saj së pari nga paqartësia e drejtuesve. Por ky është rrezik minimal pasi në fund të fudnit opozita ja doli që të sigurojë pjesëmarrje masive dhe të dëshmojë qëndresë.

Së dyti duhet ta ruajmë protestën – për hir të mirë leximit jo si të tillë në vetvete – nga përpjekja për ta paraqitur si pa vlerë dhe aspektet banale të saj.

Vendimi i Këshillit të Ministrave nr.708 i datës 21 nëntor 2018, “Për regjistrimin dhe kalimin në përgjegjësi administrimi të ministrisë përgjegjëse për turizmin të disa pronave të paluajtshme shtetërore, në vijën bregdetare Vlorë–Sarandë” do të ankimohet në Gjykatën Kushtetuese. Kësaj radhe është Omonia, organizata e minoritetit etnik grek, ajo që deklaron se do të ndërmarrë këtë veprim pasi më parë edhe Greqia është shprehur kundër tij.

Socialistët janë hedhur në mësymje të përgjithshme për të këshilluar presidentin e Republikës, Ilir Meta se po bën një gabim të rëndë me mosdekretimin e ministrit të Jashtëm. Me një qasje që manifeston siguri të pambështetur, përfaqësues të PS-së e konsiderojnë çështje të fituar prej tyre në Gjykatën Kushtetuese kazusin nëse kreu i shtetit ka apo jo të drejtë të refuzojë një propozim të kryeministrit. Çdo gjë do të varet nga objekti i ankimit dhe mënyra sesi do të përpilohet ai, por në çdo rast, askush nuk mund të jetë garanci të plota se Gjykata Kushtetuese do të vendosë pro tyre.

Fehmi Abdiu, ish-kryetar i Gjykatës Kushteuese ka dhënë dy ditë më parë një intervistë për gazetën “Tema” në cilësinë e konstitucionalistit. Abdiu është metaforikisht si makina e urgjencës për socialistët e gjeneratës tjetër që bëjnë politikë orale dhe nuk njohin nen e germë të ligjit. Kësaj radhe juristi ka folur edhe situatën e krijuar mes Presidentit dhe Kryeministrit për dekretet për ministrat e rinj.

Kryeministri i Shqipërisë Edi Rama doli sot në Parlament për të mbajtur ndër të tjera edhe leksion kushtetues të kompetencave të tij dhe të Presidentit. Sipas leximit të z. Rama dhe atyre që i kanë shkruajtur fjalën, Presidenti ka 12 kompetenca, mes të cilave asnjë për të Refuzuar propozimet e Kryeministrit për anëtarët e kabinetit qeveritar.

Cili është dimensioni personal i krizës së sotme mes Presidentit të Republikës dhe Kryeministrit? Është një pyetje që mund t’u përgjigjet deri diku spekullimeve të ditës së sotme se Presidenti po bën politikë në vend se të përfaqësojë tjetër gjë. Pra unitetin.

Në fakt çdo akt ka brenda diçka të natyrës politike. Por kur flasim në kuptimin e politikës që injoron  kontekstin institucional atëherë po që ka diçka shqetësuese.

Diskutimi i fundit për çështjen e Teatrit Kombëtar, kur një ambasador i Bashkimit Europian ngre supet për kushtetueshmërinë e dyshimtë të nismave të qeverisë, rrëzon edhe garancinë e fundit, sidoqoftë efemere, se kjo kauzë do të ketë si minimum një trajtim ligjor të qartë. Sepse Teatri është kauzë tashmë, jo një zhurmë pakicash siç ka qejf ta cilësojë kryetari i Bashkisë, z. Erjon Veliaj.

Kauza mori dy dekrete të Presidentit në favor, çka e vendos qeverinë dhe mazhorancën para një fërkimi institucional që e relativizon bazën prej nga ku ajo nisi të impononte projektin e vet.