Slideri Kryesor

Lajmi se Bon Jovi do të vijë në Tiranë për të dhënë një koncert në ditën e verës, u përhap me shpejtësi të jashtëzakonshme në thuajse të gjitha mediat online, përfshi këtu edhe ato të gazetave kryesore të vendit. Pa asnjë verifikim, ai u transmetua rrufeshëm duke i ngritur mendjen publikut, që filloi të interesohej menjëherë për vendshitjet e biletave.

Çështja e tarifave të rritura të bashkisë për hapësirat publike që shkaktoi reagimin e biznesit të vogël është e dyta kauzë që opozita po përpiqet ta rrëmbejë për të fituar kredon që e vetme nuk mund ta ketë.

Shqipëria ka deklaruar gjatë gjithë kohës se ajo do të marrë përgjegjësitë e veta në pritjen e refugjatëve. Por një deklaratë e kryeministrit Edi Rama, para disa ditësh, u duk se e përmbysi këtë gatishmëri. Në një intervistë televizive, ai u shpreh se situata ka ndryshuar dhe se pritja e refugjatëve, ose hapja e kufirit, do të kishte vlerë në kohën kur të gjitha vendet marrin përgjegjësi. Por sot ministri i Jashtëm, Ditmir Bushati ka bërë një hap prapa: “Shqipëria as do t’i hapë dhe as do t’i mbyllë kufijtë për refugjatët.

Thuajse 20 ditë para mbajtjes së kongresit, Ben Blushi ka dhënë disa piketa të platformës së tij për kryetar të Partise Socialiste. "Unë do të paraqes një platformë, e cila do të parashikojë më shumë vende pune, një parti më kohezive, ndryshime themelore në sistemin e arsimit, nomalizim dhe natyralizim të sistemit tonë progresist të taksimit, që nuk e kemi sot megjithëse e premtuam, rritje pagash dhe mbështetje të shtresave në nevojë. Këto janë disa prej atyre që do të bëj"- është shprehur deputeti sicialist në një intervistë për DW.

Në kuadrin e serisë së sondazheve BAROMETËR, zhvillova në periudhën 13-19 shkurt një sondazh në zonat urbane të bashkisë së zgjeruar të Tiranës, ku banojnë rreth 90% e zgjedhësve të saj. Anketueset dhe modeli statistikor janë pothuaj njësoj me ato që përdora në sondazhin tim 3 muaj para zgjedhjeve lokale të vjetshme, të cilin e paraqita në emisionin Shqip në Top Channel. Në atë sondazh parashikova për kandidatët e majtë për kryebashkiakë 800 mijë vota në të gjithë vendin, nga 830 mijë që morën pas 3 muajsh.

Emigrantët krijuan një zinxhir njerëzor në kufirin greko-maqedonas, në shenjë proteste për mbylljen e kufirit nga Maqedonia. Shkupi nuk lejon kalimin e tyre drejt Europës, çka ka krijuar një situatë të vështirë humanitare në kampet e pritjes në Greqi. Të shtunën autoritetet maqedonase lejuan vetëm 22 emigrantë të kalojnë kufirin, ndërsa mijëra të tjerë presin ende. 

Dy protesta dhe Erion Veliaj u tërhoq  nga këmbëngulja për të injoruar pronarët e lokaleve të kryeqytetit, duke pranuar një rinegocim të tarifave për hapësirat publike dhe tavolinat e bareve, restoranteve apo kafeneve. Kreu i bashkisë së Tiranës pasi dëgjoi shqetësimet e përfaqësuesve të biznesit tha se do të njihet të hënën me propozimet e tyre për të vendosur më pas nëse do të ketë ndryshim apo jo të tarifave. Veliaj ndryshoi dukshëm qëndrimin që kishte mbajtur më herët gjatë ditës për protestën dhe arsyet e rritjes së tarifave.

Në opinionin e Komisionit të Venecias rreth reformës në drejtësi, thuhet se e kuptojnë dëshirën e opozitës për të përdorur kufirin 2/3 në votimin për anëtarët e Këshillit të Lartë të Drejtësisë dhe të Këshillit të Lartë të Prokurorisë, por ky kufi nuk garanton balancën politike në këto dy këshilla.  

Së pari, thekson Komisioni i Venecias, shembulli i Hungarisë, ku mazhoranca ka mbi 2/3 e votave në parlament, tregon se 2/3 nuk janë garanci.

Forumi i Tiranës për Liri Ekonomikë ka zhvilluar sot një takim ku ka qenë i ftuar edhe kryetari i Partisë Demokratike si dhe konservatori britanik, Roger Scruton, materiale të të cilit lexohen shpesh të përkthyera në gazetën “Mapo”. Përtej akuzave të zakonshme të Bashës që përmblidhen në fjalinë: “Edi Rama është hajdut dhe aleat i kriminelevëe”, Basha ka nënvizuar edhe pjesë nga ajo që e quan si “platforma e PD-së”, e cila jep disa të dhëna për mënyrën sesi opozita e sheh daljen nga kriza.

Kriza e refugjatëve që po përjeton Europa, në realitet po merr zgjidhjen e vet, ciladoqoftë ajo, në Ballkan. Ky përcaktim bëhet në një shkrim të revistës gjermane “Spiegel” e cila në të vërtetë thjesht përshkruan atë që po ndodh pa shtuar gjë për mënyrën sesi duhet dalë nga situata. Fakateve nuk u shpëton dot: Greqia është lënë të kthehet në një vaskë refugjatës si pasojë e lojërave të vendeve europiane që kanë adresuar sfidën e migracionit si një politikë nacionale.