Slideri Kryesor

Pas krizës energjetike që provokoi politika e sanksioneve ndaj Rusisë, duket se një tjetër skenar priret të konfirmojë varësinë e Europës nga vendet e tjera jashtë kontinentit, dhe madje një lloj izolimi të shpejtë që mund të sjellin situata deri më tani të mbajtura nën kontroll. Kështu sulmet e grupit Houthi në Detin e Kuq kanë provokuar vonesa deri në tri javë për furnizimin me ushqime në Europër për shkak të devijimit të itinerarit drejt Kepit të Shpresës së Mirë.

Talat Xhaferi merr detyrën e kryeministrit në Maqedoninë e Veriut. Xhaferri do të drejtojë qeverinë teknike, e cila do ta çojë vendin drejt zgjedhjeve parlamentare dhe presidenciale pas 100 ditësh.

Presidenti Stevo Pendarovski i dorëzoi Xhaferit mandatin për formimin e qeverisë teknike, e cila pritet që gjysmën e ministrave t’i ketë shqiptarë.

Bashkimi Demokratik për Integrim ka propozuar emrat e disa prej ministrave, që do të përbëjnë qeverinë e përkohshme deri më 8 maj 2024.

Emrat e propozuar nga BDI

Besojmë është vënë re se një ndër gjërat që ka ripagëzuar Rilindja – emrin e së cilës nuk e përdor më kush – është edhe zakoni i modelit të dikurshëm të mbjelljes së pemëve dhe luleve. Ai model sugjeron edhe punë të tjera vullnetare, por Rilindja ka kapur vetëm amballazhin për të shitur mandej revolucionin estetik.

Gjykata Europiane e Drejtësisë ka vendosur se cilësia e ujit në Irlandë nuk vjen në stabdardet e komunitetit. Sipas gjykatës, që administron një padi të Komisionit Europian të vitit 2015, Republika e Irlandës nuk ka përmbushur detyrimet që rrjedhin nga ligji kryesor europian për ujin e pijshëm. Gjykata gjeti se uji në Irlandë ka përbërës kimikë të dëmshëm për shëndetin e njeriut dhe mjedisin si klorina që përdoret kundër baktereve dhe ndotësve. 

Një dialekt i ri i veçantë është shfaqur në disa zona të Majamit kohët e fundit, si rezultat i ndërthurjes kulturore midis folësve të spanjishtes dhe atyre të anglishtes.

Gjuha e re është një dialekt i anglishtes me ndikim spanjoll që flitet në Floridën jugore, një variant që ka ardhur si rezultat i emigrimit prej dekadash të banorëve nga vendet spanjolle-folëse, veçanërisht Kuba që nga fundi i revolucionit në 1959.

Administrata izraelite është mes dy zjarresh. Ndërkohë që vijon luftën në Gaza pas sulmit të Hamasit, brenda vendit debati për dështimin e inteligjencës dhe mbrojtjes nuk është shuar asnjëherë.

Shefi i shërbimit të brendshëm të sigurisë, që në Izrael niihet ndryshe si Shin Bet, kërkoi gjatë mbledhjes së qeverisë ngritjen e një një komisioni shtetëror hetimor për të shqyrtuar se pse Izraeli u kap në befasi nga Hamasi më 7 tetor.

Rregullatori i tregtisë në Shtetet e Bashkuara nisi një hetim për investimet dhe partneritetet e bëra nga disa prej kompanive më të mëdha në hapësirën gjeneruese të inteligjencës artificiale.

Komisioni Federal i Tregtisë (FTC) njoftoi se u ka dërguar urdhrat për dhënie informacioni pesë kompanive: Alphabet, Amazon, Anthropic, Microsoft dhe krijuesin e ChatGPT, OpenAI.

Megjithëse Rusia e Vladimir Putinit është cilësuar e korruptuar dhe e paaftë që ekonomikisht të modernizohet, invazioni prej saj i Ukrainës po absolutizohet si një konflikt që duhet të ndryshojë mendësinë në Europë. 

Nga Britania e Madhe në Hollandë dhe Gjermani ka nisur të flitet për luftën, përgatijen e saj.  Ministri gjerman i Mbrojtjes, Boris Pistorius flet për luftë të afërt në Europë, Patrick Sanders i Britanisë flet për nevojën e kalimit nga 73 mijë trupa në 120 000 për të qenë gati për një konflikt në tokën europiane. 

Europa është shtëpia e disa prej vendeve më të përparuara në botë për sa i përket zhvillimit njerëzor dhe rritjes ekonomike. Megjithatë, kontinenti i vjetër shfaq pabarazi të konsiderueshme brenda kufijve të tij. Sipas FMN-së, Evropa ka një GDP për frymë prej 35 690 dollarë, që nga viti 2024.

Pjesa perëndimore është dukshëm më e përparuar me një GDP për frymë prej 51 450 dollarë. Nga ana tjetër, në Evropën Lindore, zhvillimi ekonomik nuk ka pasur të njëjtin progres. Që nga viti 2024, Evropa Lindore raporton një GDP për frymë prej 15 670 dollarë.

Eurozona nuk duhet ta kthejë në armë monedhën e përbashkët, në një moment si ky i konflikteve globale. Kjo do të sillte pasoja negative për vetë euron, paralajmëron guvernatori i Bankës së Italisë, Fabio Panetta.

Prej muajsh, në Europë është hapur debati i konfiskimit të aseteve të ngrira të Rusisë për t’i përdorur ato për rindërtimin e Ukrainës.