Blloku Politikë

Kryeministri Edi Rama ka akuzuar sot Top-Channel se tenton të vendosë gjoba përmes lajmeve të stisura apo me karakter pezhorativ. Z. Rama ka sjellë një kërkesë-aplikim të kompanisë në fjalë përmes së cilës kërkohej financim prej 12 000 000 lekësh të reja për mbulimin e materialeve promocionale apo gazetareske për bujqësinë që po shkon shumë mirë.

Me të marrë një JO nga AZHBR-ja, Top-Channel ka ndërruar kurs dhe me lajmet e veta ka nisur sulmin për fondet që gllabërohen.

Kryeministri Edi Rama ka nisur së fundmi të marrë pjesë, apo të promovojë një nismë të quajtur “Krenaritë e Komunitetit”. Aty shpërndahen tituj a medalje, fleta lavdërimi nëse duam, pra stimuj simbolikë përkujtese për njerëz që vlerësohen se kanë dhënë kontribute në fushën e profesionit apo në qytetet ku banojnë. 

Tani, për ta parë me korrektesë këtë që po ndodh puna e do që të shihet nëse përlavdërimi qeveritar po begenis edhe ata që nuk kanë rreshtim publik me partinë në pushtet apo jo. 

Kryeministri Edi Rama ka njoftuar në tuiter se disa media kombëtare janë përpjekur ta korruptojnë. Dhe se në refuzim total, këto po përpiqen të dizinformojnë me lajme të ndryshme mbi policinë. 

Ne duhet ta besojmë kryeministrin sepse siç e dimë nuk ka bir kurve të thotë se ai i ka marrë lekë dikujt. Dhe meqenëse nuk kemi ku t’i gjejmë këta lloj bij të shqipes me të cilët z. Rama ndan të ardhmen, por jo paratë, dorëzohemi, e besojmë. Ai është qelibar. Nuk themi se i ka duart akullore se sa herë dalin foto me thonjtë krromë që nuk i pastron kurrë. Por moralisht është oshënar.

Deri më dje lexonim se Meta dhe Berisha kanë një konflikt mes tyre, se Berisha e injoroi, madje sabotoi protestën e kreut të PL-së në Sharrë. Madje madje, Meta po izolonte Berishën ca kohë. 

Sot, teza ka ndryshuar, sot opozita u bashkua por na u përça Partia Demokratike. Sipas analistëve të PS-së Sali Berisha braktisi Enkelejd Alibeajn dhe Agron Gjekmarkajn për Petrit Vasilin. Këtë të fundit e dimë si hyri në politikë, edhe në Parlament. Gjekmarkajn jo, edhe pse ky i fundit ka ndërruar qëndrime sa herë. Pra Berisha mori në qafë PD-në sapo u bashkua me Metën. 

Takimi i sotshëm mes Ilir Metës dhe Sali Berishës me vendimin për të bashkuar përfaqësimin elektoral rrëzon të gjitha hamendësimet e deritanishme për marrëdhënien në kampin opozitar.

Jo se relacionet janë ideale dhe as duhet të jenë, por vendimi i sotshëm konfirmon mbizotërimin e racionales në dyshen PD-LSI.

Aq më shumë merr vlerë kjo aleancë kur mban parasysh përpjekjen për diversion që u bë me ligjin për dosjet, apo faktorizimin artificial në këtë kuadër të njerëzve pa identitet politik, tubuar tek i ashtuquajturi “Grupi Alibeaj”.

Në një intervistë për Zërin e Amerikës, zv.ndihmës Sekretari i Shtetit për Euroazinë, Gabriel Escobar, ka shpjeguar se pse ish-kryeministri Sali Berisha u shpall non grata. 

Vendimi për ta përcaktuar atë ishte një vendim institucional. Nuk ishte një vendim individual dhe nuk ishte një vendim politik. Ishte një vendim që ne e morëm për shkak të korrupsionit që gjetëm. Unë do t’u bëja thirrje institucioneve në Shqipëri ta shqyrtojnë këtë. 

Enkelejd Alibeaj, detyra e të cilit është tashmë misterioze dhe hyn në preferencat e dosjeve që duhen hapur, ka zhvilluar një takim me ata që quhen aktivistë të shoqërisë civile me të cilët ka folur për hapjen e dosjeve të Sigurimit të Shtetit. Ka interes edhe psikologjik të vihet në dukje ajo që ka thënë ky zotëri, një çirak i vjetër administrate i Sali Berishës, me të cilin sot ndodhet në betejë parimore. Siç di vetëm ai.

Gjatë një fjale të mbajtur me rastin e 30 vjetorit të Gjykatës Kushtetuese, ambasadorja amerikane në Tiranë Yuri Kim, ndër të tjera tha:

Koha për të bërë telefonata për të dërguar emisarë, dhurata, kërcënime, duke kërcënuar për të treguar sekrete të errëta nga një e shkuar formojnë baza për një sekret tjetër të errët.

Kjo kohë ka përfunduar. Ju keni mbushur xhepat tuaj, keni mbushur xhepat e fëmijëve tuaj.

Shtëpia e shqiptarit është e mikut dhe e Zotit

Këtë frazë e kishte hedhur në qarkullim sot Agron Gjekmarkaj në një status a shkrim që botohej nga mediat e majta, në të cilin zotëria mbronte Yuri Kim nga sulmet e gjithfarëshme. 

Një ndër drejtuesit e Partisë Socialiste, Taulant Balla, ka deklaruar sot se drafti për ligjin kundër shpifjes është tërhequr.

E para, dua tju them se ndryshimet në ligjin për median, që kanë të bëjnë me shpifjen janë tërhequr nga propozuesi. Dua tju rikonfirmoj se ne e kemi tërhequr ato ndryshime ligjore që janë bërë para tre vitesh.