Blloku Politikë

Presidentit Nishani mund të mos i jetë lejuar të pushojë në vilën qeveritare të Dhërmiut, por pushimet e luksit atij nuk i kanë munguar.

Në pikën doganore të portit të Sarandës, policia kufitare gjatë paradites ka qenë në pritje të presidentit të Republikës, Bujar Nishani. Burime të pakonfirmuara, por të sigurta thanë për "Respublica" se Bujar Nishani ka qenë i ftuar i disa miqve të tij arabë për të kaluar disa ditë në bregdetin mes Sarandës dhe Korfuzit. 

“Shqiptarja.com” boton sot një letër të arbëreshit Italo Elmo, shkrimtar e publicist, drejtuar ambasadorit shqiptar në Romë, Neritan Ceka. Elmo shkruan për vizitën e presidentit Bujar Nishani në prill të këtij viti në Itali, ku presidenti shqiptar akordoi një mori medaljesh, që nga ajo e “Flamurit kombëtar” e deri te “Mjeshtër i Madh”, “Nënë Tereza” etj.. “U nis nga një ide e mirë e përfundoi gjithshka në meze e pije”, shkruan Elmo. Fjala është për shpërndarjen e dekorata pa kriter e me motivacione pa sens në raport me atë përfaqëson vetë dekorata.

I pyetur për ngjarjet në Kishën e Shën Thanasit në Dhërmi, përfaqësuesi i Ministrisë së Jashtme greke, Konstandinos Kutras tha se Greqia është në pritje të shpjegimeve nga qeveria shqiptare lidhur me këtë incident.

Kisha Ortodokse Autoqefale denoncon sot në mbrëmje një akt të dytë të dhunimit në Kishën e Shën Athanasit në Dhërmi. Kësaj radhe kanë qenë disa persona, me makina pa targa që kanë rrëzuar soletën e kishës dhe sipas KOASH kanë rrezikuar edhe jetën e priftit. Kisha ka bërë kallëzim penal për “shkatërrim prone dhe nxitje e konfliktit social”. Sot ka patur disa reagime, ku spikat ai i këshilltarit të Edi Ramës, Artan Shkreli, i cili u bëri të njohur shqiptarëve se po kërkohet varri i një misionari katolik që ka hapur shkolla shqipe në Himarë.

Në ditën e fundit të pushimeve kryetari Ilir Meta në një intervistë për “Ora News” nga kampi i LRI në Jalë flet për një sezon të nxehtë politik, nisur nga vera që duket se  shkaktoi një klimë mosbesimi mes tij dhe kryeminstrit Edi Rama, që zë fill pas zgjedhjeve të 21 qershorit. Ai sugjeron që lufta ndaj informaliteti të mos marrë nuanca  arbitrariteti ndërkohë pranon se biznesi po kalon ditë të vështira.

“Për të ndalur fenomenin e azilkërkuesve, Qeveria shqiptare duhet të rikthejë shpresën”. Është ky apeli që ambasadori gjerman, Helmut Hoffman, i drejton ekzekutivit shqiptar.  Duke folur për “Abc News”, diplomati gjerman kritikoi politikën shqiptare duke thënë se është marrë pak me fenomenin shqetësues të azilkërkuesve. Sipas tij, Qeveria duhet të sqarojë njerëzit dhe të rikthejë shpresën, ndërsa paralajmëroi se vazhdimi i këtij fenomeni do të krijonte një efekt psikologjik negativ te gjermanët, me ndikim në procesin e integrimit të Shqipëri.

Pas një mungese relativisht të gjatë në hapësirën publike, Partia Bashkimi për të Drejtat e Njeriut është rishfaqur sot me një deklaratë për incidentin në kishën e Dhërmiut. “Dënojmë ashpër ngjarjet e rënda të dy ditëve të fundit në qytezën e Dhërmiut – Himarë, ku po tentohet rrënimi i një objekti të kultit Orthodhoks, konkrretisht kishës së Shën Athanasit.

Kryeministri i ka dhënë sot një intervistë Top-Channel, ku ka folur thuajse për të gjitha zhvillimet politike. E përmbledhur, përgjigjet e Edi Ramës japin këtë mesazh: as në ekonomi, as në financa, as në koalicion, nuk ka asgjë që nuk shkon. Çdo gjë shkon sipas parashikimit. Edhe rënia e të ardhurave sipas tij, lidhet me “ndryshimin e modelit ekonomik”. Më poshtë intervista:

- Zoti Kryeministër, le ta nisim këtë intervistë me Konferencën e vendeve ballkanike, që do të mbahet më 27 gusht në Vjenë. Cilat janë pritshmëritë tuaja?

Ministria e Arsimit po luan me urdhërat dhe kundërurdhrat që nxjerr. Më e fundit ka të bëjë me tekstin e anglishtes së klasës së 6-të. Sipas “News 24” që e dononcoi i pari këtë rast, pak ditë më parë ishte pezulluar procesi i përzgjdhjes së librit të Anglishtes për klasën e 6-­të. Mësuesit megjithëse të ndërgjegjshëm se përzgjodhën në masë një Anglishte që ripërsëriste njohuritë e nxënësve dhe nuk rrit nivelin e tyre, e dhanë verdiktin. ndërkohë Ministria e Arsimit nuk e ka lejuar këtë përzgjedhje.

Nuk do të ketë lirim me kusht për Mark Frrokun, megjithëse si ofroi garanci pasurore dhe kërkoi mundësinë për të qenë i pranishëm në procesin në Belgjikë. Gjykata e Lartë e ka refuzuar kërkesën e e tij. Deputeti, tashmë në qeli, Avokati i Frrokut, Saimir Vishaj tha për mediat se do të padisë në Strasburg shtetin shqiptar për shkelje procedurale. Frroku është kërkuar nga gjykata belge që të paraqitet në seancën e 19 tetorit. “Do t’i drejtohemi Gjykatës së Stasburgut për të paraqitur këtë vendim dhe nuk i fshihemi drejtësisë belge.