Blloku Politikë

Ministri i Drejtësisë, Nasip Naço, ka dhënë dorëheqjen. Lajmi raportohet nga disa media dhe ende asgjë nuk është zyrtare. Naço vjen nga LSI-ja dhe dorëheqja e tij pason një takim me kryeministrin Edi Rama. Nuk ka një arsyetim ende për këtë. Ndërkohë ish-kryeministri Sali Berisha komenton se dorëheqja lidhet me spostimin e Naços nga reforma në Drejtësi: "Naço dha doreheqjen, si deshmi e shkerrmoqjes se "aleances se qelbesirave".

Çfarë presin socialistët që nuk e arrestojnë Sali Berishën. E ka zbuluar deputeti Taulant Balla në një reagim personal në llogarinë e tij në facebook.
E di që shumë do thonë: “po hë pse nuk e arrestoni Salin dhe Shkëlzenin për vrasjet në Gërdec?”. Duhet edhe pak durim. Reforma në drejtesi do bëhet”, shkruan Balla në Facebook.
Balla është ndjerë i indinjuar nga thirrjet e Berishës për të nisur protesta si në Rumani dhe ka zbuluar po ashtu ndryshimin mes tij dhe kryeministrit Rumun Viktor Ponta, të cilin thotë se e ka dhe mik personal

Duke mos dashur t' i japë merita personale askujt prej liderve të dhjetorit për ndryshimet demokratike të viteve '90 , Eduart Selami nuk fsheh zhgënjimin për 25 vitet e tranzicionit dhe produktin demokratike të kësaj periudhe.

Kryeministri Rama inspektoi në Korçë, terrenet sportive të sapopërfunduara të shkollës “Raqi Qirinxhi”. Ky është nga 44 terrenet e reja, të ndërtuara në të gjithë vendin në funksion të shndërrimit të shkollave në qendra të ndërveprimit në komunitet. Me këtë investim kësaj shkolle i janë shtuar një fushë volejbolli dhe basketbolli, një fushe futbolli, dy fusha tenisi, si dhe dy fusha të mëdha shahu.

Të drejtosh një parti politike qoftë edhe në nivel lokal në Shqipëri është e provuar se të jep mundësinë për t'u pasuruar falë lidhjeve dhe autoriteti që të jep pushteti. Aq më tepër kur dëshmitë e historive të suksesit në karrierën e kryetarëve të degëve janë me bollëk për të mos folur për pushtetin e deputetëve dhe sidomos për një qark si Vlora.

Eduart Ndocaj është vënë në vëmendje maksimale mediatike si rrallë herë për ndonjë deputet. Arsyet janë pamja e tij, sidomos kapelja që e bën të duket i veçantë në aradhën lukosze të vendimmarrësve shqiptarë. Sot, në një intervistë për “Panorama”, e shoqaj, Valentina bën një apel për të gjithë:  “Na pëlqen t’i përshtatemi ambientit dhe argëtohemi maksimalisht kudo që të jemi. Kapelet e para kaubojs besoj i kemi vënë në Amerikën Latine kur kemi qenë me pushime.

Qeveria flet për reforma, për pastrimin e Shqipërisë lart e poshtë, por një reformë kyçe nuk e ka kryer akoma: administrimin e parave publike. Burimin e një korrupsioni masiv dhe gjeneratorin e kapitalizmit fisnor që ekziston në Shqipëri. Këtë kritikë nuk e bëjmë ne, se do akuzoheshim për keqdashje ndaj përpjekjeve titanike për pakëz dritë të qeverisë, por një deputet i mazhorancës. Artan Gaçi në një intervistë për “Tema Tv” kërkon pikërisht këtë: ndryshimin e rregullave të prokurimit, pasi paratë po shkojnë në disa duar prej vitesh. Dhe shërbimet nuk përmirësohen.

Qeveria nuk po kalon ditë të mira. Kjo është e qartë si drita e diellit dhe një provë për këtë është irritimi kosntant i kryeministrit me mediat. Mirëpo problemet janë reale, nuk janë shpikur nga mediat dhe ndërkohë që ministra të ndryshëm përfliten për tendera e çdo gjë, poshtë, aty ku Edi Rama flet për Shqipërinë e vërtetë, gjërat janë rënduar. Sidomos ekonomikisht. Me sa duket një ndërhyrje duhet të isë dhe ajo ka zënë fill në planin politik. Meqenëse përpara është kongresi i PS-së, i pari në linjë është vënë Gramoz Ruçi, mbështetja e të cilit për Edi Ramën është e domosdoshme.

Dështimi nuk mund të fshihet pas alibive qesharake. Ky është rasti me kryeministrin shqiptar që ka muaj që përsërit se shumica e azilkërkuesve shqiptarë që shkojnë në Gjermani, janë emigrantë shqiptarëbnë Greqi. Si e ka identifikuar shteti shqiptar këtë gjë? Merr rëndësi kjo pyetje, teksa ministri i Brendshëm gjerman, Thomas de Mazeire, që ndodhet për vizitë në Tiranë, ka deklaruar se “nuk mund të identifikojmë të shkuarën e azilantëve. Ata paraqesin pasaportën shqiptare”.

Kompania që u shpall fituese për rikonstruksionin e pjesshëm të ambienteve të Ministrisë së Mbrojtjes nuk përmbushte kriteret, madje shkonte përtej çdo kufiri të shkeljes së kritereve, ishte kompani që merrej me pastrim dhe të gjithë punonjësit e saj i kishte fshesarë. Sipas Kontrollit të Lartë të Shtetit fondi që ka përfituar kjo kompani pastrimi është 500 mijë dollarë.
Por abuzimet me tenderat në ministrinë e Kodhelit kanë përfshirë edhe procedurat për blerjen e helikopterëve dhe makinave të blinduara për Policinë Ushtarake.