Blloku Politikë

Disa vite më parë, kur nisi të diskutohej ideja Vuçiç-Thaçi për ndarjen e Kosovës, qarkulloi në disa media apo gazetarë mendimi se nëse do të arrihej në paqen serbo-shqiptare, dyshja në fjalë do të shërbehej me çmimin Nobel për Paqen. Nuk është e jashtëzakonshme: çmimin në fjalë e ka marrë Obama që urdhëronte vrasje dhe sulme ushtarake, e ka marrë edhe një person si Arafat që e nisi karrierën me sulme terroriste.

Kryeministri i Shqipërisë Edi Rama është shfaqur mbrëmë në një intervistë për Bruno Vespën përmes së cilës ka sqaruar se çfarë është marrëveshja për emigrantët dhe qendrën e Shëngjinit. 

Kjo marrëveshje vjen nga mirënjohja e thjeshtë që gjendet gjithmonë brenda meje dhe brenda të gjithëve ne shqiptarëve kundrejt Italisë dhe kur Italia na kërkon të japim një dorë, edhe pse ne nuk mund të zgjidhim problemin e madh të emigrantëve, jemi të nderuar të japim një dorë

Shqipëria do të presë rreth 36 mijë emigrantë të në vit, pas marrëveshjes së nënshkruar sot me qeverinë italiane. Detaje të marrëveshjes që mediat italiane thonë se është diskutuar për herë të parë në gusht në Vlorë, por që në Shqipëri nuk është përmendur asnjëherë publikisht deri sot, u dhanë fillimisht nga kryeministrja Giorgia Meloni.

Zbulohet më në fund arsyeja e “flirtit” të Vlorës mes kryeministres italiane Meloni dhe kryeministrit të Shqipërisë, Edi Rama. Sot, gjatë një vizite në Itali, Meloni ka njoftuar se në Shëngjin të Shqipërisë do të hapet një qendër strehimi refugjatësh, që do të jetë nën juridiksion të përbashkët italo-shqiptar.

Në selinë e Parlamentit shqiptar është zhvilluar sot një episod cilësisht i ri në gjoja përplasjen mes dy kaheve të politikës. Disa deputetë të PD, Fraksioni i Rithemelimit, të cilët janë përjashtuar për disa ditë nga punimet e Kuvendit, nuk janë lejuar të hyjnë brenda. Zgjidhja ka qenë atletike: ngjitje nga kangjellat dhe hyrje nga dritarja.

Njëri mbyll derën, tjetri hyn nga dritarja. Çfarë ligji të bësh që të trajtojë këtë situatë për të cilën padyshim ka përgjegjësi edhe shumica.

Edi Rama i hapi sytë Bashkimit Europian për Ballkanin Perëndimor dhe me propozimin e vet për draft-statutin e Asocacionit të komunave me shumicë serbe hodhi bazat e një dokumenti europian. Kështu e përcjellin media pranë qeverisë shqiptare sfondin e propozimit të ri europian. Një kokë nga një dokument që mund të jetë gjithçka dhe media e Baton Haxhiut, një lloj kaçaku mediatik i Albin Kurtit, sugjeron gjenialitetin e kryeministrit të Shqipërisë. 

Serbia nuk do ta njohë pavarësinë e Kosovës. Në një konferencë të përbashkët shtypi me presidenten e Komisionit Europian, Ursula von der Leyen, presidenti serb e bëri sërish të qartë këtë qasje.

Vuçiç tha se Serbia është e përkushtuar për ruajtjen e paqes dhe stabilitetit dhe se vendi i di angazhimet e tij dhe po i përmbush ato në përputhje me marrëveshjet, por se është e qartë se çfarë nuk mund të bëjë, sepse një gjë e tillë do të ishte në kundërshtim me Kushtetutën e saj.

Seanca e sotme parlamentare – për ata të cilëve nuk u rruhet fare po sqarojmë se Shqipëria zyrtarisht ka Parlament – është shoqëruar me tensione. Një deputet ka qëlluar me grusht një tjetër. Sa herë ka ndodhur kjo në 30 vjet? Kush e mban mend xhanëm!

Dorian Duçka, ish-këshilltari i Jashtëm i kryeministrit Rama është paraqitur sot në SPAK. Emri i Duçkës doli në çështjen e ish-agjentit të FBI-së, Charles McGonigal.

Mbetet e paqartë arsyeja e thirrjes së tij në organin e akuzës, pasi SPAK nuk ka nisur asnjë hetim në lidhje me çështjen “McGonigal”.

Në aktakuzën amerikane, Duçka paraqitet si njeriu që ka shërbyer si urë lidhëse mes kryeministrit Rama dhe Charles McGonigal, në dy vizitat e tij në Shqipëri, por edhe takimet në SHBA.

Qarkullon në Tiranë prej kohësh një tip analisti që ka aftësinë për ta bërë të urryer profesionin e gazetarit, që e ndot këtë profesion me informacione të deformuara dhe me rolin e një zëdhënësi mes dy botëve: të politikës dhe medias. Por edhe me botën e ambasadave të huaja. Analistë të ndryshëm në Tiranë thirren në seli të ndryshme diplomatike, dëgjohen e këshillohen, u jepet kështu statusi i një ndërmjetësimi që ka në finale një rezultat: helmimin e opinionit publik.