Blloku Politikë

Sot para shtëpisë së Sali Berishës, në rrugën “Mustafa Matohiti”, i quajtur edhe si Bilbili i Labërisë gjatë Luftës, janë mbledhur disa mbështetës. Demokratë, a mbështetës të Berishës, kjo nuk ka rëndësi. Ish-kryeministri dhe kryetari i Rithemelimit ka dalë në dritare për t’i përshëndetur, në një inskenim teatral mandelian ndërkohë që në derën poshtë ka dalë e bija: Argita Berisha.

Po ta lexojmë politikën drejt, duket se Berisha ka zgjedhur vajzën pasardhëse dhe jo djalin, për arsye që nuk kanë asnjë rëndësi.

Në një konferencë të mbajtur sot, kryeministri Edi Rama, ka deklaruar ndër të tjera se ai vazhdon të përsërisë qëndrimin e mbajtur që në “krye të herës” se Serbisë i duhen vënë sanksione për ngjarjet e Banjskës dhe se Kosovës i duhen hequr masat shtrënguese pasi sipas tij ajo ka reaguar ndaj kërkesave që i janë bërë nga komuniteti ndërkombëtar. Zoti Rama madje e ka cilësuar ngjarjen e Banjskës si “akt terrorist” duke bërë një hap para, ose pas, varet sesi e sheh, nga qëndrimet apo termat e përdorur më herët. P.sh në datën 14 dhjetor, zoti Rama do të shprehej ndër të tjera:

Ja një lajm që i shkon kaq shumë si samar i shtuar një individi shqiptar. Përmes një vendimi të marrë së fundmi, qeveria e Shqipërisë ka menduar të kushtëzojë bonusin e bebeve me qëndrimin 180 ditë të prindit përfitues duke bërë verifikimin në sistemin TIMS. Konkretisht:

Gjykata e Lartë kundër Krimit dhe Korrupsionit vendos sot për kërkesën që SPAK ka dërguar në lidhje me masën e sigurisë për ish-kryeministrin Berisha.

Pasi mori autorizimin nga Kuvendi, institucioni më i lartë i akuzës në vend iu drejtua GJKKO-së me kërkesën për të ashpërsuar masën e sigurisë ndaj Berishës, nga detyrim paraqitjeje në arrest shtëpie me mbikëqyrje policore.

Ish-kryeministri është nën hetim për korrupsion në privatizimin e ish-klubit sportiv “Partizani”.

Qeveria e Serbisë miratoi një vendim me të cilin njeh targat e Republikës së Kosovës. Kreu i Zyrës për Kosovë dhe Metohi në qeverinë e Kosovës, Petar Petkoviç, tha se nga 1 janari, të gjitha automjetet me targa të Kosovës mund të kalojnë pa problem në të gjitha pikat kufitare administrative.

Kjo sipas tij është bërë “ekskluzivisht për arsye praktike, për të lehtësuar lëvizjen e lirë të individëve” dhe nuk mund të interpretohet si njohje e pavarësisë së Kosovës.

Mira Pirdeni, aktiviste e moshimit në një lidhje me skype për edicionin e lajmeve në MCN TV tha se Shqipëria është prekur rëndë nga plakja e menjëhershme e popullsisë. Pirdeni vuri në dukje mungesën e fondeve në pushtetin lokal për të mbështetur të moshuarit. Ajo tha se nuk beson te Censi i popullsisë i kryer nga qeveria, duke shtuar se kemi mungesë ekspertësh dhe mungesë burimesh njerëzore për analizimin e të dhënave. Pirdeni tha se në Shqipëri mungojnë komunitetet, shërbimet komunitare, të cilat janë kthyer në prioritare në vendet e zhvilluara, sidomos pas pandemisë. 

Është shfaqur në podcastin e Edi Ramës, imzot Arjan Dodaj, kryeipeshkëv i kryedioqezës së Tiranë-Durrësit.

Nëpër bisedën e zhvilluar, Dodaj dëgjohet të thotë se “Zoti është Dashuri”, se mënyra më e mirë për të sjellë paqen në këtë botë është ai që Papa Françesco e quan “revolucion i butësisë” për të ardhur mandej te roli i misionarit që i përcjell dashuri dhe përkujdesje “atyre që Zoti na ka besuar”, pra besimtarëve të cilëve u “lajmë këmbët”.

Ka dalë sot me një koment të vetin për vendimin e GJKKO-së për çështjen Beleri, kryeministri Edi Rama. Ndër të tjera ai citohet:

Sali Berisha deklaroi sot se është më i fortë se kurrë. Disa brohoritje. Ja tha, e dëgjoni? Brohoritje sërish.

Shenjë e mirë kjo se ligjësitë e historisë funksionojnë edhe në Shqipëri.

Në një opinion të botuar në gazetën “Kathimerini”, Stavros Tzimas, që shkruan shpesh për marrëdhëniet greko-shqiptare, vë në dukje se me afrimin e ditës së gjykimit për Fredi Belerin, pakicës greke në Shqipëri i mbeten dy rrugë: të gjejë një kandidat tjetër ose të bojkotojë. Në rastin e parë, Tsimas shkruan se djali i Belerit, që së fundmi është shfaqur në media, mund të jetë një kandidaturë, çka do ta shndërronte Himarën në një bastion politik dhe elektoral.