Blloku Politikë

Raporti i fundit i Reporterëve pa Kufij e vendos Shqipërinë në rënie, por duke identifikuar veprimet ligjore dhe qëndrimet publike të kryeministrit Edi Rama si faktor për këtë.

A do hyjë Partia Demokratike në zgjedhje? Kësaj pyetje nuk di t’i japë përgjigje as vetë Lulzim Basha.

Në propozimet që i ka bërë kryesisë së PD, kreu i demokratëve lë të hapur mundësinë për të negociuar futjen në zgjedhje, nisur nga optimizmi i sondazheve.

Burime thanë për Respublica thanë se seksionet e PD janë porositur të përgatiten për t'u futur ne zgjedhje.

Në propozime Basha flet për krijimin e kushteve për zgjedhje të lira, pa specifikuar se cilat janë këto kushte.

Ambasadori i Bashkimit Europian në Tiranë, Luixhi Soreka komentoi sot vendimin e parlamentit të Holandës për rikthimin e vizave me Shqipërinë. Ai tha se Brukseli do të kërkojë prova nga qeveria e Holandës pasi 4 muaj më parë Komisioni Europian doli me një raport ku theksohej se Shqipëria i përmbush të gjitha kushtet për regjimin pa viza.

Në një intervistë për RTSh-në, Presidenti I Republikës Ilir Meta, ka nënvizuar dy gjëra: së pari se djegia e mandateve nga opozita është marrëzi dhe së dyti se kriza i ka rrënjët në vitin 2008 dhe ndryshimet kushtetuese të atij viti.

Në thelb kreu I shtetit ka ofruar opsionin e negociimit të krizës aktuale duke sugjeruar në këtë mënyrë se faktori ndërkombëtar nuk duhet të ketë më rolin që ka patur dikur në kësi çështjesh.

Vendimi i parlamentit të Holandës për t’i propozuar Komisionit Europian rikthimin e vizave me Shqipërinë padyshim që nuk ka lënë shije të mirë te qeveria, e cila është në të drejtën e saj për të ballafaquar me  Komisionin Europian cënimin ose jo të kritereve të Shengenit.

Duhet thënë se kriminaliteti shqiptar dhe numri i azilkërkuesve ka qenë shqetësim i vazhdueshëm i Holandës, e cila ishte një nga tre vendet skeptike për t’i dhënë Shqipërisë dritën jeshile të hapjes së negociatave vitin e kaluar.

Një zhvillim negativ vjen nga Hollanda lidhur me Shqipërinë. Parlamenti i këtij vendi ka miratuar rezolutën e 5 partive që i rekomandon qeverisë të rikthejë vizat me Shqipërinë. Në total kanë qenë 9 parti politike (Partia Socialiste, PvdD, 50plus, VVD, SGP, CDA, CU, PVV, FVD) që dhanë 105 vota për të rikthyer vizat për shqiptarët.

Ka dalë më në fund urdhëri i kryeministrit të Republikës së Shqipërisë, ministër i Jashtëm dhe për Evropën i Republikës së Shqipërisë, Edi Rama, për delegimin e kompetencave të ministrit të Jashtëm dhe për Evropën, zv.ministrit për Evropën dhe Punët e Jashtme, Gent Cakaj.

Urdhëri për kalim kompetencash të detyrave kaq të vështira për t’u shkruar dhe thënë është miratuar në datën 23 janar, por është publikuar vetëm këto ditë në Fletoren Zyrtare.

Elisa Spiropali ka deklaruar sot se Lulzim Basha nk bëhet kurrë lider. Mund të ketë të drejtë. Madje shumë të drejtë. Por zonja në fjalë e di shumë mirë se ajo është lexuesja e një teksti të shkruar nga tjetërkush në këtë histori.

Ajo është kukulla e një qeverie që nuk ka zëdhënie për t’i vënë emrin e duhur kësaj që po ndodh. Kjo është një krizë politike, jo një situatë e rendit publik.

Dje ambasadorja e Gjermanisë në Tiranë, znj. Susanne Schütz deklaroi në një intervistë për agjencinë Deutsche Welle se dhuna në protestë është një vijë e kuqe.

Në fakt protesta ndodhi. Aty pati dhunë. Nga të dyja palët. Pati të lënduar. Sikurse pati deklarime të papërgjegjshme të pushtetit.

Komuniteti ndërkombëtar nuk ka reaguar deri më tani, ndaj pritmëritë janë që ky reagim të marrë për bazë standardin e qëndrimeve si ky i zonjës ambasadore e cila meqenëse ishte kaq e qartë para protestës na mbetet ta pyesim: Çfarë u bë me atë Vijën e Kuqe?

Protesta e opozitës këtë të shtunë në Shqipëri u transmetua në kohë reale edhe nga mediat ndërkombëtare si Euroneës apo AFP. Shqipëria ishte sërish lajm në mediat e huaja që raportuan për një protestë masive të partive të opozitës dhe masat e forta policore të qeverisë.

Shtypi i huaj e ka vënë theksin tek akuzat e opozitës për një qeveri të korruptuar dhe të lidhur me krimin. Po ashtu u përmend përdorimi i gazit lotsjellës nga policia dhe çarja me lehtësi e gardhit të policëve para kryeministrisë.