Blloku Në Vëmendje

Një ditë pas vetëdorëzimit të Kelmend Balilit mësohet se Prokuroria për Krimet e Rënda ka vendosur të zgjasë edhe 3 muaj hetimet për ish-ministrin e Brendshëm, Saimir Tahiri.

Gazeta Panorama shkruan se shkak për shtyrjen e hetimeve, janë bërë sërish letër-porositë.Më herët, prokurorët e dosjes kanë dërguar letër-porosi në Itali, ku kërkojnë informacione nga prokuroria e Katanias dhe një tjetër në Malin e Zi, por përgjigjet e tyre, sipas prokurorisë, ende nuk kanë mbërritur.

Pavarësisht thirrjeve dramatike të Teresa Meit drejtuar deputetëve të votonin marrëveshjen e nënshkruar me BE-në dhe garancive se qeveria britanike do të bashkëpunote ngushtë me Parlamentin në fazën e ardhshme të negociatave, parlamenti britanik nuk mbështeti planin e BREXIT, duke çuar në një humbje të madhe për kryeministren britanike.

"Është e qartë se parlamenti po voton kundër marrëveshjes, por nuk është e qartë se çfarë do të thotë saktësisht kjo"- tha Mei pak pas shpalljes së rezultatit të votimit.

Tani që kaluan disa orë nga vetëdorëzimi i Klement Balilit dhe zhurma për ndalimin e tij u pakësua për t’i dhënë të drejtë skenarit se i shumëkërkuari u vu në dispozicion të policisë atëherë kur donte vetë, mund të shtohen nja dy element konkretë që mund të jenë të dobishëm.

Edi Rama i fitoi zgjedhjet e 2017 vetëm duke dalë me një tepsi në dorë, në një fushatë simbolike kundër sistemit nepotik që sipas tij i kishte imponuar bashkëqeverisja me LSI-në e Ilir Metës.  Shou për të anatemuar LSI-në si të keqen e partitokrtacisë  mjaftoi për t’i dhënë lehtësisht PS-së një tjetër mandat për të qeverisur këtë radhë e vetme. Premtimi për ta bërë Shqipërinë shtetin e së drejtës dhe për t’i dhënë vendit një administratë sipas meritës rezultoi të ishte një iluzion. Jo se kjo nuk dihej, por publikimi i disa përgjimeve nga Zëri i Amerikës faktoi atë që dihej.

Klan Kosova, televizion i cili drejtohet nga Baton Haxhiu, ka publikuar sot një material ekzkluziv siç e quan, sipas të cilit rezulton se SHBA-të kanë kërkuar nga qeveria e Kosovës të heqë tarifën 100% për mallrat serbë. Sipas këtij televizioni, kërkesa është përpiluar nga Këshilli i Sigurisë Kombëtare të SHBA-ve dhe Departamenti i Shtetit Amerikan e përmes së cilës bëhet e qartë se Kosova duhet ta heqë taksën.

Mbështetja e SHBA-ve për Kosovën nuk është e pakushtëzuar. Kosova për momentin e bart barrën e rrezikimit të dështimit dialogut

Gazeta e njohur britanike “The Guardian” i është shtuar sot listës së pafundme të mediave që shkruajnë për të ashtuquajturën Mafia Shqiptare. Përmes një shkrimi ku nuk ka ndonjë të dhënë statistikore, ku përzihet emfatizimi i shqiptarëve të dhunshëm, ku dominon titulli bombastik “Mbretërit e kokainës”, ku venerohet pa dashje aftësia e shqiptarëve në trafik dhe në shpërndarje e ku patjetër që nuk mungojnë edhe klishetë e zakonshme të Besës dhe Kanunit, gazeta në fjalë përsërit litaninë e bezdishme të gënjeshtrës që quhet Mafia Shqiptare.

Policia është zhvendosur prej dy ditësh në fakultete për të “normalizuar” situatën e krijuar nga bllokimi i auditoreve. Madje efektivë të saj nuk kanë nguruar të përplasen me studentët.  Me ligj forcat e rendit e kanë të ndaluar hyrjen në Universitete dhe çdo lëvizje mund të bëhet vetëm me kërkesë të vetë Universiteteve.

Një kërkesë e tillë është bërë dhe mban firmën e Administratorit të Universitetit të Tiranës, Skerdi Dafa.

Në rrjetet sociale po qarkullojnë video të ndërhyrjes së policisë në Fakultetin Juridik për të nxjerrë jashtë studentët e ngujuar. Mesa duket zakoni i veprimit natën është i ngulitur në këtë qeveri e cila asnjëherë nuk ofron zgjidhje të dialoguar. 

Në fund të dhjetorit, duke folur për rastin e kompanisë DH Albania, kryeministri Rama deklaroi se “kompani që hyjnë me letra të falsifikuara nëpër tendera ka në të gjithë botën. Një qeveri, një ministri, një ministër nuk gjykohen nga fakti nëse hyn apo nuk hyn një kompani me letra të falsifikuara. Gjykohen nga mënyra sesi reagojnë në momentin kur fakti konstatohet… Përsa i përket rastit në fjalë, ku është korrupsioni që ka ndodhur, që të jem unë i qartë? Si?” u shpreh ai.

Studentët kanë bojkotuar sërish auditoret këtë të mërkurë. Momente tensioni ka patur në Universitetin Politektnik kur studentët tentuan të nxjerrin bankat në korridor. 

Rojet e sigurisë së Universitetin lajmëruan më policinë për bllokimin e ambienteve.

Edhe në Fakultetin e Histori –Filologjisë studentët bllokuan korridoret. Studentët kanë vendosur që të qëndrojnë brenda fakulteteve në shenjë protestë, ndërsa një pjesë kanë vijuar marshimin para kryeministrisë, ambasadës amerikane dhe ministrisë së Arsimit.