Blloku Në Vëmendje

Partia Demokratike ka akuzuar sot qeverinë se në projektin e Unazës së Madhe ka përfshirë një kompani e cila ka qenë nën sekuestro. Spas përfaqësueses së PD-së, Ina Zhupa, ky fakt i dokumentuar e bën të paligjshëm procesin në fjalë, përtej aspektit të protestës së banorëve.

Emisioni “Top-Story” është përqendruar në serinë e sotme në situatën kriminale në qytetin e Vlorës. Nëse e sheh në një vështrim të përgjithshëm, emisioni në thelb ka zbardhur dosjen e aktivitetit criminal për të cilin dyshohet dhe akuzohet në media, Edison Harizaj, i njohur si Faqedjeguri. Fjala është për personin që u ekzekutua në Shkozet të Durrësit pak kohë më parë dhe për të cilën siç konstaton edhe Top-Story ende nuk ka ndonjë të dyshuar kryesor.

Fondacioni për Shoqërinë e Hapur (Open Society) i miliarderit George Soros njoftoi përfundimin e aktivitetet në Turqi, pas deklaratave të Presidentit Erdogan ndaj manjatit amerikan javën e kaluar.

Erdogan akuzoi Soros për mbështeje të filantropit turk Osman Kavala, i burgosur në Turqi një vit më parë me dyshimin se "sponsorizoi" protestat anti-qeveritare në vitin 2013 dhe nxiti një tjetër tentativë për grusht shtetit qnë vitin 2016, akuza që janë hedhur kategorikisht poshtë nga Soros.

Ish-kryeministri i Shqipërisë, Sali Berisha, ka folur sot në mbrëmje në emisionin “Përballë” të Lutfi Dervishit për situatën e krijuar mes Kosovës dhe Serbisë. Duke përsëritur qëndrimin e tij se Hashim Thaçi po bën lojën e Serbisë në përpjekjen e korrigjimit të kufijve, Berisha ka shtuar se pararoja e politikës serbe në hapësirën shqiptare është Edi Rama.

Prej dy ditësh Bashkia po u servir mediave videodëshmi nga shembja e shtëpive që sipas saj kanë nisur në Unazën e Madhe pas reflektimit të banorëve. Këto lajme janë shoqëruar edhe me entusiazmin e kryetarit të Bashkisë dhe kryeministrit në rrjetet sociale, që tregojnë edhe me foto sesi populli ka ndërruar rrugë për të mos i shkuar më mbrapa Lulzim Bashës, por Edi Ramës dhe Erion Veliajt.

Tha kryebashkiaku Erjon Veliaj në takimin e datës 14 qershor 2018 me një përfaqësi të aktorëve të Teatrit Kombëtar:

Njësoj si në rastin e seancës së sigurisë për kuksianët e arrestuar gjatë protestave për vendosjen e taksës së Rrugës së Kombit, edhe në dhënien e masës për te arrestuarit e banorëve të Astirit, Gjykata e Tiranës ishte e blinduar këtë të dielë nga forcat e policisë.

Mosbesim te Drejtësia dhe akuza të drejtëpërdrejta për kryeministrin e vendit që sipas banorëve po u kundërvihet qytetarëve me polici dhe forca speciale. Por edhe mesazhe politike nga një protestë që banorët nuk duan ta atshojnë vetëm si një reagim hallexhinjsh.

Roberto De Bernardi, Përfaqësues i UNICEF në Shqipëri flet në një intervistë për DW për situatën e fëmijëve dhe sfidat që duhen fituar që ata të gëzojnë të drejtat e tyre bazike. 

Pretendimi i shumicës në pushtet se mban me trimëri dhe vendosmëri llogoren që lufton paligjshmërinë dhe dhunën është as më shumë e as më pak, perifrazim i asaj që thotë populli në të tilla raste, ditë e re zakon i ri.

Zotërinjtë që sot përfaqësojnë edhe ligjin edhe Maliqin duke etiketuar si shpellarë njerëzit që protestojnë për shtëpitë e tyre nuk kanë zbritur nga ndonjë planet tjetër dhe as janë rishtarë në katrahurën që i ka shkaktuar politika këtij vendi, ku ata janë po aq përgjegjës sa pala që sot është në opozitë.

Ministri i Brendshëm, ende i pabetuar te Presienti i Republikës, Sandër Lleshaj, ka shprehur shqetësimin e vet për dhunën ndaj punonjësve të Policisë gjatë protestës së sotme para Parlamentit.

Në një ditë të tillë krejt normale na ndodhin ngjarje anormale. Njerëz që në shkelje të ligjit ngrenë dorën ndaj policisë. Qëllimi i ardhjes time është të shpreh solidaritetin me punonjësit e policisë. Konflikti nuk ka arsye të spostohet drejt policëve të rendit

tha ai.