Blloku Në Vëmendje

Edi Rama do jetë të hënën në fejsbuk për të sqaruar miletin mbi vizionin e tij për reformën në arsim dhe problemet që nuk i ka zgjidhur dot deri tani.

Më nje tjetër shfaqje në kufijtë e karagjozllëkut politik ai pranoi se ka nevojë për një strategji të mirëkopsitur që ta bidisë njëherë e mirë këtë punë siç e do vendi dhe kuvendi.

Monologut nuk i mungoi artifici i interpretimit nga dora vetë, ndonëse bashkë me Linditën protesta e studentëve i kapi në gjumë dhe të papërgatitur. Edin me halle tenderash që vlejnë miliona euro dhe jo kacidhe tarifash si ato të studentëve.

Dita e 5-të e protestës së studentëve ka qenë disi më e tensionuar pas përfshirjes edhe të personave që kanë tentuar ta përçajnë.

Studentët nuk kanë lejuar një pedagog të marrë fjalën, i identifikuar si përkrahës i Lëvizjes për Universitetin.

Në protestë janë parë edhe të rinj me bilbila që thuhet se janë të PD e LSI, të infiltruar për të prishur protestën.

Në sheshin që shënoi fundin e Sllobodan Millosheviçit, opozita serbe u mblodh të shtunën në një protestë masive kundër Presidentit Aleksandër Vuçiç. E majta dhe nacionalistët, u bënë bashkë në një koalicion të quajtur “Lidhja për Serbinë”, duke akuzuar presidentin për tradhëti kombëtare dhe korrupsion.

Mbi 10 mijë persona marshuan drejt televizionit publik pasi opozita censurohet nga televizioni publik. Një pjesë e mediave nuk e raportuan protestën e opozitës serbe, por për protestat në Francë.

Dy vjet nga lëkundjet në fshatin Zharrëz, çështja e dëmshpërblimit të banorëve mbetet e pazgjidhur. Me një vendim të posaçëm, të më shumë se një viti më parë qeveria shqiptare vendosi dëmshpërblimin e 71 familjeve,  për të cilat pagesa e ndarë në masën 50% me kompaninë Bankers Petroleum, e cila u konsiderua shkaktare e dëmeve për shkak të përdorimit të teknologjisë së injektimit të ujit teknologjik.

Të  shtunën në Bularat do të organizohet një ceremoni përkujtimore për Konstandin Kacifën i vrarë më 28 tetor në Bularat në rrethana ende të paqarta pas një aksioni të Forcave Renea.

Prokuroria shqiptare nuk ka zbardhur ende dinamikën e ngjarjes, ndërsa ceremonia mortore për të riun minoritar u shndërrua në një manefistim nacionalist, që pasoi me shpalljen non grata të 52 shtetasve grekë.

Nuk do të ketë prishje të shtëpive mbi 100 vjeçare në Himarë që ishin planifikuar të shkatërroheshin për të zbatuar projektin "Heimara e Re", siç e ka emërtuar kryebashkiaku Gjergj Goro, përmes projektit "Rindërtimi Urban në Bashkinë e Himarës".

Po marrin përmasa gjithmonë e më të mëdha trazirat në Paris, ku të ashtuquajturat "xhaketat e verdha" vazhdojnë betejën kundër politikave të qeverisë për rritjen e çmimit të naftës.Sipas ministrisë së brendshme franceze mesditën e së shtunës kishte 75,000 demonstrues që dolën në rrugët e Francës.

Erjon Veliaj mund të mburret me çmimet për transparencë që mori vitin e shkuar, por praktika e punës së tij në krye të Bashkisë së Tiranës dëshmon të kundëtën. TemaTv publikon sot një material që sipas të cilit Bashkia e Tiranës, në zyrën e  shtypit të së cilës punojnë  rreth 50 vetë, gjatë diskutimit të buxhetit të vitit 2019, ajo ka shmangur informimin paraprak të medias. 

Arratisja e Nikolla Gruevskit në Hungari dhe refuzimi i Budapestit për të mos e ekstraduar ka ekspozuar disi BE-në pasi një vend anëtar si Hungaria po kthehet në strehë një ish-politikan nga Ballkani, për të cilin drejtësia ka dhënë një vendim. Të tillë mund të ketë plot në të ardhmen, duke përfshirë edhe Shqipërinë pas ngritjes së SPAK dhe BKH. Mirëpo rasti Gruevski nuk është një shembull i mirë sipas raporterit për Shqipërinë në Parlamentin Europian, Knut Fleckenstein.  

Kujt nuk i ka rastisur të dëgjojë fëmijë të vegjël, të moshës 3-4 vjeç që të këndojë apo përpqiet të këndojë këngën: Xhamadani vija - vija? Me siguri të paktë janë.

Kjo këngë ka depërtuar në shqisat kulturore të përfaqësuesve të sistemit tonë arsimor duke nisur që nga kopështi e deri më lart. Në kryeinstitucionin edukues të nacionalizimit shqiptar: Stadiumin.