Blloku Në Vëmendje

Protestat e opozitës kryeministri i Shqipërisë i krahasoi me koncertet e mbremjeve verore dhe sugjeroi me ironi se mund të përfshiheshin në paketat turistike.  Tashmë ka më shumë material për paketat që ka menduar t’ua ofrojë të huajve.

Tensionet e nisura mbrëmë në Shkodër janë shtrirë sot në disa qytete ku zyrtarë vendorë dhe mbështetës të opozitës kanë tentuar të hynë me forcë në Komisionet Zonale për t’i liruar. Përplasje raportohet të ketë patur në Burrel, Kamëz e Kavajë .

Një shije sesi do jenë zgjedhjet e 30 qershorit vjen nga Tropoja ku policia bashkiake dhe mbështetës të opozitës hynë me forcë në KZAZ-në për të liruar ambjentet në zbatim të dekretit të Presidentit Meta për shfuqizimin e zgjedhjeve të 30 Qershorit.

Policia nuk arriti të pengonte mësymjen e tyre duke qëndruar gjithsesi në ambjentet e brendshme.

Damian Gjiknuri është sërish lajm. Ndodh ça ndodh në këtë vend, ai del përherë në qendër. Njëherë me tendera, njëherë me koncesione, tani me përgjime. Zotëria sipas gazetës “Bild” siguron për zgjedhjet lokale në Dibër një furgon me “çuna problematikë” që “të jenë për çdo rast”. Ai ja referon këtë një drejtori në Ministrinë e Brendshme, Arben Keshi, që është drejtor i Qendrës për të Huajt që hyjnë Ilegalisht në Shqipëri. 

Këtë të hënë pritej që Prokuroria t’i komunikonte akuzën kryetarit të PD për kontratat e Lobimit në Shtetet e Bashkuara, por Lulzim Basha dhe dy drejtuesit e tjerë, ish-sekretati i i Përgjithshëm, Arben Ristani dhe dhe financieri  Ilir Dervishi përmes një letre drejtuar organit të akuzës shpjegojnë pse nuk pranuan të paraqiten.

Ambasadorët e përhershëm të Bashkimit Europian kanë paraqitur opsionet për dokumentin e draft-konkluzioneve për paketën e zgjerimit, që do të jetë në tryezën e ministrave të Jashtëm të Bashkimit Europian për aprovim në 18 qershor në Luksemburg.

Në kulmin e krizës politike, Prokuroria ka bërë një akt që mesa duket do shtojë tensionet . Organi i akuzës ka lëshuar një fletëthirrje për kryetarin e Partisë Demokratike, Lulzim Basha, ku në cilësinë e të pandehurit, ai do të njoftohet për akuzën lidhur me kontratat e lobimit të kësaj force politike në Shtetet e Bashkuara

Pjesëmarrja e presidentit Meta dhe kryeministrit Rama në ceremoninë e 20-vjetorit të festimeve për ndërhyrjen e NATO-s në Kosovë fitoi edhe një tjetër kontekst që lidhet me krizën politike në Shqipëri dhe qëndrimin që po mbajnë Shtetet e Bashkuara për këtë situatë.

Rastësi protokollare ose jo në krah të kryeministrit Rama gjatë ceremonisë ishte ulur Zv/ndihmës sekretari amerikan i Shtetit Methju Palmer, i cili u pa të bisedonte më të, ndërsa dy vende më tutje presidenti Meta qëndronte i veçuar.

A është Edi Rama i korruptuar, a janë ministrat e tij hajdutë, a janë vjedhur votat, a janë shqetësuese përgjimet e Bild, a është qeveria e inkriminuar? Për Brukselin këto pyetje nuk kanë asnjë rëndësi, pasi siç thotë eurodeputeti me mandat në mbarim Knut Fleckenstein e rëndësishme është kush mbështet reformat dhe në veçanti atë në drejtësi. Edhe të korruptuarit mund ta bëjnë një gjë të tillë

Në një kohë kur komisioni Europian po shqyrton kërkesën e Holandës për rikthimin e vizave, e cila bazohet edhe mbi shqetësimin për azilkërkuesit, një tjetër raportim negative vjen sërish nga Brukseli.

Autoriteti Europian i Azilit raporton se përgjatë muajve të parë të vitit deri në prill numri i azilkërkuesve shqiptarë në bashkimin Europian është rritur. Bëhet fjalë për 1946 kërkesa për azil, ose e thënë ndryshe 5% më shumë. Ndërkohë që rreth 11 mijë e 649 kërkesa janë ende në pritje, por me gjasë vetëm një pjesë shumë e vogël e tyre mund të marrin përgjigje pozitive.

Përplasja politike po përshkallëzohet teksa Konferenca e Kryetarëve e mbledhur mëngjesin e kësaj të marte miratoi kërkesën e maxhorancës  për zhvillimin e një mocioni me debat për shkarkimin e presidentit Ilir Meta. Ky i fundit ka njoftuar një konferencë për shtyp në orën 16 00 të pasdites ku me shumë gjasë do të shpërndajë parlamentin.

Një prej argumenteve që mund të japë kreu i shtetit është vakanca që ka krijuar djegia e mandateve të opozitës, pasi hyrja nga listat zëvendësuese nuk e ka plotësuar numrin 140.