Blloku Në Vëmendje

“Mundet mos me u mbajt takimi në Paris, mundet të shtyhet, por jo për fajin e Kosovës. Shteti ynë është treguar serioz, i ka kryer punët e shtëpisë dhe ka avancuar pozicionin për plot tema dhe është e gatshme”

Kështu ka deklaruar kryeministri i Kosovës Ramush Haradinaj, teksa zbuloi se Beogradi me shumë gjasë ka vendosur ta bojkotojë këtë takim, me kushtin e tërheqjes së taksës nga Kosova.

Pa kaluar 1 orë e 30 minuta nga konferenca e jashtëzakonshme e Presidentit ku shtjelloi argumentat e tërheqjes së dekretit PS mblodhi kryesinë për të formalizuar qëndrimin se Meta duhet shkarkuar.

Në një deklaratë për mediat pas mbledhjes së kryesisë së PS-së, zëdhenësja e qeverisë, Elisa Spiropali ka bërë me dije se procedurat për shkarkimin e Metës, do të nisin këtë javë.

Degradimit të Republikës nuk kishte si t’i mungonte loloja i sistemit që shfaqjen e radhës e dha nga Baldushku.  Erion Veliaj, që në rolin e shejtan-budallait mbolli rrugën e suksesit brenda masës së korruptuar socialiste, nuk e pati  të vështirë të gjejë audiencën për të bërë cirkun e vet politik, pasi mendon se kapadaiut të Rilindjes po i vjen fundi.

Edi është drejt finishit për shumë arsye që lidhen sa me realitetin e ri politik që po krijohet, aq edhe me  fatin politik që ndërtoi vetë duke ia përshtatur demokraturën karakterit dhe kapriçove të tij personale.

Menjëherë pas kthimit nga Berlini, kryeministri i Kosovës, Ramush Haradinaj ka zbardhur bisedën me kancelaren Merkel dhe opsionet për një marrmarréveshje me Serbinë dhe heqjen e taksës.

“Qëndrimi im është konsistent, janë dy opsione. Ose një vendim i madh,pra një konferencë një ditore, atëherë Kosova është e gatshme të suspendoj taksën deri në këtë konferencë, por me marrëveshje paraprakisht të negociueshme për një vendim për përmbyllje me kusht të njohjes, por edhe nëse e suspendojmë disa ditë, nuk e ndihmojmë procesin, se mund të zgjas me ditë dhe vjet”

Drejtuesja e Prokurorisë së Krimeve të Rënda doli për herë të parë lidhur me dosjen 339,  duke lexuar për publikun 4 faqe letër bakalli nga një raport  i hartuar nxitimithi mbi ecurinë e hetimeve. Në 3 vjet që prej nisjes së procedimeve, dosja ka kaluar në duart e 4 Prokurorëve, për shkak të lëvizjeve që ka kryer Arta Marku në strukturën e Prokurorisë. Për pasojë, ky hetim nuk u mor kurë seriozisht. Për këtë mjafton ky raportim që ka bërë Donika Prela:

Kryeministri Haradinaj është njohur në Berlin me vendimin e kancelares Merkel për caktimin e një kryenegociatori gjerman për bisedimet me Serbinë. 

Këtë e zbuloi vetë kreu i qeverisë kosovare pas takimit që pati me zonjën Merkel  që do të përmbyllej përmes një përfaqësuesi të posaçëm.

Prokuroria, e cila ka mbajtur pengur zbardhjen e dosjeve 339 dhe 184 u detyrua të reagojë pas publikimeve nga BILD të përgjimeve që në fakt kanë kohë që flenë në zyrat e organit të akuzës.

E ekspozuar për lidhjet e saj kriminale me zë dhe me figurë siç parapëlqene zoti Rama të etiketonte  bëmat e kundërshtarëve kur ishte në opozitë, mazhoranca socialiste ka humbur çdo sens realizmi mbi pushtetin që gëzon falë votës së deformuar dhe interesave të grupeve kriminale.

6 përgjimet e publikuara nga Bild kanë prishur terezinë e socialistëve që megjithatë vazhdojnë të  mbrojnë folenë kriminale që kanë ndërtuar vetë. Pa komentuar mbi përgjimet, deputetët socialistë janë shfaqur të shqetësuar për nxjerrjen e sekretit hetimor.  

Në Fletoren Zyrtare është botuar së fundmi përmbajtja e ligjit “Për disa ndryshime dhe shtesa në ligjin nr. 10 107, dt. 30.03.2009, “Për Kujdesin Shëndetësor në Republikën e Shqipërisë”.

Në disa ndër nenet e këtij ligji përcaktohen krijimi i këshillit të pacientëve, auditimi klinik, por edhe krijimi I Sistemit të Informacionit Shëndetësor. 

Në Tiranë vjen të dielën e  2 Qershorit, Sekretari i Përgjithshëm i NATO-s, Jens Stoltenberg.

Gjatë vizitës blic në Shqipëri. Stoltenberg do të takohet me presidentin e vendit Ilir Meta, Kryeministri Edi Rama dhe ministren e Mbrojtjes Olta Tzaska. Në 15.20 është planifikuar të të mbahet konferenca për shtyp me kryeministrin e Shqipërisë.