Blloku Në Vëmendje

Shqipëria është vendi i paradokseve dhe për të huajt shpeshherë ngjan si vend ekzotik që duhet vizituar për modelin unikal që përcjell përmes prezantimit si popull dhe si shtet. Një nga paradokset është prania e policisë rrugore në çdo kryqëzim të qyteteve apo thuajse çdo kilometër në rrugët kombëtare. Ndryshe nga praktikat europiane policia shqiptare operon me postblloqe dhe jo me patrullim në rrugë, duke ndaluar drejtuesit e automjeteve sipas një progresioni aritmetik dhe jo ata që gjatë lëvizjes kryejnë shkelje.

Në datën 23 dhjetor 2015 qeveria shqiptare ka marrë vendimin “Për miratimin e planit kombëtar të veprimit për integrimin e romëve dhe egjiptianëve, 2016-2020”. Plani është disi i shtjelluar dhe parashikon mbështetje financiare për të gjitha ndërhyrjet që parashikohen për integrimin e këtyre komuniteteve, me synim integrimin dhe angazhimin e kësaj pjese të popullsisë shqiptare, rritjen e standardit arsimor dhe të shërbimeve ndaj saj. Plani Kombëtar e hap përmbajtjen me një statistikë të hamendësuar për numrin e përgjithshëm të romëve dhe egjiptianëve në Shqipëri.

I kishte shpëtuar zhurmës së akuzave të pafundme që janë bërë ndaj kësaj qeveri pqër tendera e konçesione, por më në fund ka dalë në sipërfaqe. Ministria e Zhvillimit Urban, drejtuar nga Eglantina Gjermeni raportohet të ketë transferuar në datat 18 dhjetor dhe 31 dhjetor 2015, 517 mijë euro në drejtim të një kompanie të quajtur “Kube Studios”. “Këto kalime fondesh nuk rezultojnë të publikuara në buletinët zyrtarë elektronikë të Agjencisë së Prokurimit Publik. Por në përshkrimin e bërë në thesar, ministria e znj.

Ish-kryeministri, Sali Berisha ka sulmuar ashpër emisionin “Opinion” të Blendi Fevziut. Shkak është bërë emisioni i të enjtes në mbrëmje që fliste për krimet e ndodhur gjatë ditëve të para të vitit 2016.
Berisha shkruan se, “ky është një zhvillim tepër i rëndë” dhe akuzon Fevziun si të dominuar nga krimi. “Krimi në “Opinion”, zhvillim dramatik! Sonte emisioni “Opinion” u shndërrua në njërin prej më të neveritshmëve në historinë e mediave.

Publikisht OSHEE i është përcjellë publikut si një histori suksesi, por gjithmonë ka dy të vërteta për punët e qeverisjes, ajo që i thuhet publikut dhe ajo që pasqyron bilancin e vërtetë të të ashtuquajturave reforma. Këtë zyrtarët e thonë jashtë kamerave siç është rasti i zotit Manjani në emisionin "Opinion" gjatë kohës televizive off record. Vlerësimi për OSHEE-në, thjesht është superkatastrofë. Më interesante, me bujë dhe me tangërllik qeveritar, Çela i OSHEE-së u shpall edhe Administratori i Vitit nga Kryeministri. 

Pas denoncimitnë emisionin investigativ “STOP”, në TV KLAN, Prokuroria e Tiranës ka nisur kryesisht hetimet për veprën penale të korrupsionit pasiv.
Në videon e transmetuar të hënën në mbrëmje në emisionin e parë të këtij programi, shfaqet në pamje filmike inspektori i Agjencisë Rajonale të Mjedisit në Tiranë , Taulant Manaj, që i kërkon 3 mijë euro një qytetari për t’i dhënë licensën mjedisore për një biznes zgarë.

Emisioni “Stop” që transmetohet në “Tv Klan” ka përcjellë dje një rast të dyshuar korruptiv në Qendrën Kombëtare të Liçensimit. Në pamje shfaqen ata që sipas drejtuesve të emisionit janë specialistë: një i Mjedisit dhe tjetrei i QKL-së. 3 mijë euro për një liçencë dhe siç thuhet në video, pazari është i mbyllur me të gjitha institucionet, përfshirë Bashkinë e Tiranës. Me sa duket puna vazhdon. 

Një studim, siç e quan “shqiptarja.com” i Departamentit të Gazetarisë në Universitetin e Tiranës ka konstatuar se media në Shqipëri dominohet për nga femrat. Kjo në kuptimin e numrit të gazetareve të cilat përfaqësohen me 52% të të gjithë numrit të plotë të gazetarëve dhe reporterëve(http://shqiptarja.com/Media/2710/nj--grua-n--karrier---flasin-gazetaret-...).

Partia Demokratike do të kallëzojë në Prokurorinë e Tiranës kryebashkiakun Erion Veliaj për vendimet e datës 30 Dhjetor të Këshillit Bashkiak. Sipas opozitës, vendimi i Erion Veliajt për rritjen me 50 milionë dollarë të taksave vendore është i pavlefshëm sepse është ndërmarrë pa u dekretuar ende ndryshimi i ligjit ‎nga Presidenti i Republikës për taksat dhe tarifat vendore. “Për të njejtën arsye, fakti që bazohen në një akt që ende nuk ka fuqi është i pavlefshëm dhe miratimi i buxhetit 2016 të Bashkisë”-thotë deklarata e Partisë Demokratike.

Lëvizja Vetëvendosje në Kosovë paralajmëroi sot se protesta do të rinisin së shpejti me objektiv rrëzimin e qeverisë aktuale me “çdo kusht”.  “Do të ketë protestë me metoda që i kemi parë deri më tani, por edhe me metoda të tjera, të cilat nuk i kemi përdorur. Protesta e 9 janarit është jashtëzakonisht e rëndësishme, sepse do të duhej të ishte goditja përfundimtare ndaj këtyre marrëveshjeve dhe, në anën tjetër, do të niste një proces të ri të të protestuarit kundër kësaj qeverie, të përbërë nga shkelës të Kushtetutës.