Blloku Në Vëmendje

Kryeministri foli diçka dje në konferencën e fundvitit edhe për konçesionet. Edi Rama , kur ishte në opozitë betohej e stërbetohej se do të anulonte çdo konçesion që ishte në kundërshtim me interesat kombëtare. Sot jemi në kushtet kur Edi Rama dhe qeveria e tij, jo vetëm që nuk e bëjnë një gjë të tillë, por praktika e konçesionit është kthyer në regjim normal.

Partia Demokratike e paralajmëroi dy ditë më parë dhe sot në projektvendimi për dhënien me konçesion të një sipërfaqes së parkut “Rinia” me synim ndërtimin e një parkingu privat, ka kaluar në mbledhjen e Këshillit Bashkiak të Tiranës. “BIRN” raporton se “Vendimi i Këshillit Bashkiak [Mbi] “miratimin e termave kryesore të kontratës koncesionare”, argumenton se procesi i kërkesës së koncesionit me nismë të koncesionmarrësit është marrë në maj të vitit 2009, ndërsa miratimi i termave të kontratës u bë në vitin 2015.

Politika e jashtme e Turqisë në Ballkan nxit një axhendë neo-otomane, që ka për qëllim zgjerimin e ndikimin e saj në ish-territoret e Perandorisë Osmane. Kështu shkruan për Huffington David Phillips është drejtor i Programit për Ndërtimin e Paqes dhe të Drejtave në Institutin Columbia University, i cili më parë ka shërbyer si këshilltar i lartë në Departamentin e Shtetit gjatë administratës Klinton, Bush dhe Obama.

Ikën njerëzit, u mbyll edhe shkolla. Kjo ka ndodhur në Shishtavec të Kukësit dhe në Topojan madje, ku siç raporton “Top-Channel” këtë vit nuk janë regjistruar fëmijë për klasën e parë. “Sidomos në Shishtavec ka një largim masiv të nxënësve në shkolla. Kjo është një zonë që është e varfër nga ana ekonomike. Janë faktorët ekonomikë dhe pastaj faktorët tradicionalë. Nga kjo shkollë unë mbaj mend që kanë qenë nga dy klasa. Tani klasa maksimale janë të bashkuara e mund të ketë deri në 12 nxënës më e madhja”, thotë një mësues, që citohet nga TCh.

Një nga vajzat e aktorit i humorit Erand Sojli u ndalua të fluturonte jashtë Shqipërisë sepse kishte një pasaportë që i skadonte afati në vitin 2019, por që shteti e kishte nxjerrë jashtë përdorimit. Vetë aktori ka reaguar me një koment ku bën përgjegjës kryeministrin dhe ministrin e Brendshëm për atë që i ndodhi në aeroport.

Pas kërcënimeve për Edi Ramën dhe simpatinë ndaj Shtetit Islamik imamët e vetëshpallur që po gjykohen për nxitje të terrorizmit në Gjykatën e Krimeve të Rënda kanë deklaruar se nuk e njohin shtetin shqiptar dhe se drejtësinë për ta e bën vetëm Allahu 

Gjykata kishte caktuar sot avokat kryesisht për të pandehurit, por këta të fundit patën pretendime dhe kërkuan që avokatët të largohen sepse nuk i duan sipas tyre sepse nuk janë kriminelë.

Çdo nëpunës civil do t’i nënshtrohet testimit për vlerësimin e njohurive, ndërkohë që në bazë të rezultateve që do arrijë, do të jetë i detyruar të ndjekë trajnimet për njohuri të reja”. Gjithçka përcaktohet në një Vendim të Këshillit të Ministrave, i cili gjithashtu saktëson se pas periudhës së trajnimit parashikohet një testim i dytë, që nëse nuk kalohet me sukses do i kushtojë nëpunësit civil vendin e punës. Sipas VKM-së, çdo nëpunës civil është i detyruar t’i nënshtrohet, periodikisht, testimit paraprak dhe, kur është e nevojshme, procedurës së trajnimit, çdo 4 vjet.

Ismail Morina, personi që pretendon se komandonte dronin që fluturoi mbi stadiumin e Beogradit më 14 tetor të vitit 2014, gjatë ndeshjes Serbi-Shqipëri, ka lënë sot qelitë e burgut. Gjykata e Lartë e Shqipërisë vendosi që Morina, i njohur edhe me pseudonimin Ballist Morina, të kalojë në arrest shtëpie, nga arrest me burg siç ishte prej dy muajsh.

Ajo që po ndodh së fundmi në Krodoba me konfliktin për emërtesën e një monumenti që është edhe xhami edhe katedrale katolike, përsëritet në mënyrë më të tensionuar edhe në Shqipëri. “Shqiptarja.com” raporton se monumenti kishë-xhami që ndodhet në Kalanë e Rozafës, mund të çojë në përplasje fetare në Shkodër, pasi të dyja komunitetet pretendojnë pronësinë dhe të drejtat mbi të. “Katedralja e Shën Shtjefnit në Shkodër organizoi meshën e shenjtë në atë monument që pretendon se është një kishë për të nderuar pikërisht pajtorin që mban të njëjtin emër, Shën Shtjefnin.

KLSH-referon në prokurori shkelje të shumta për tenderët e ilaçeve të miratuara nga ministri. Krimet e Rënda po verifikojnë kryesisht drejtorët e Ministrisë së Shëndetësisë për procedurat e koncesioneve qindra miliona eurosh, ndërsa Prokuroria e Tiranës po verifikon një tjetër çështje ndaj zyrtarëve të Ministrisë së Shëndetësisë. Pak javë më parë, Krimet e Rënda filluan hetime me iniciativë për çështjen e pagëzuar tashmë “Beqaj”, ndërsa së fundmi, akuza e kryeqytetit ka marrë disa dokumente nga Kontrolli i Lartë i Shtetit për parregullsitë e zhvillimit të tenderëve.