Blloku Në Vëmendje

Ditët e fundit policia ka ndërmarrë një tur prezantimi në zonat bregdetare të vendit, duke çelur një panair ku ekspozon mjetet dhe logjistikën për t'i bërë ato më të prekshme për qytetarët. Në rolin e spikerit është vetë ministri i Brendshëm, Sajmir Tahiri dhe Drejtori i Policisë, Haki Çako.

Një ditë pas transmetimit të një investigimi për punësimin e rreth 300 personave në landfillin e Sharrës, një pjesë e madhe fëmijë drejtoresha e Televizionit A1, Alida Tota raportohet të jetë larguar nga detyra.

Gazetarja Tota pretendon se vendimi për ndëprerjen e marrëdhënieve të saj të punës është marrë pas presioneve të ushtruara nga ana e kryebashkiaku Veliaj. Megjithatë, nuk dihet saktësisht nëse ky pretendim qëndron apo largimi i gazetares është vendim i  pronarit të ri të televizionit Neritan Gjojdeshit”, shkruan syri.net i cili komunikoi fillimisht me gazetaren.

Postimi pa adresë dërguesi i neneve për dënimin e gazetarëve në ligjet për prokurorisë speciale dhe atë të zakonshme, ka krijuar jo pak pështjellime. Pyetja se përse duhen këto nene, përse duhen dënuar gazetarët, pati disa intepretime, mes të cilave spikati ajo e ndonjë servili të pushtetit që i shihte ato edhe si riformulime të dispozutave ekzistuese që i japin të drejtë prokurorëve të publikojnë materiale hetimore. Kjo megjithëse përfaqësues të PS-së u tërhoqën dhe deklaruan rishikimin.

Fatura Financiare për përballimin e shpenzimeve që rrjedhin nga reforma në drejtësi është jo e vogël dhe vë në vështirësi buxhetin e shtetit. Kështu raporton “Vizion Plus” që informon se posedon korrespondencën mes Komisionit të Posaçëm Parlamentar për Reformën dhe Ministrisë së Financave. Sipas kësaj korrespondence, rezulton se edhe trajtimi me paga i gjyqtarëve dhe prokurorëve, që do të kryejnë detyrat në institucionet e reja që krijohen kanë një efekt jo të vogël.

Prokurorët e gjyqtarët që do të përzgjidhen për të qenë pjesë e Strukturës së Posaçme Antikorrupsion (SPAK) do të jenë të kontrolluar në çdo aspekt të jetës së tyre për dhjetë vite.
Nën kontroll do të jenë edhe krushqitë deri në Shkallën e Dytë për dhjetë vitet e fundit. Përveç komunikimeve në telefon apo llogarive bankare, sipas një dokumenti të siguruar nga “Panorama”, prokurorëve do t’u kërkohen të dhëna edhe për “krushqitë” deri në brezin e dytë.

Gjykata e Apelit të Vlorës ka urdhëruar lirimin nga burgu të biznesmenit Fatmir Kuci, i dyshuar si personi që me skafin e tij dëmtoi për vdekje turistin rus, Denis Kiamov në plazhin e Himarës. Ndryshimi i masës erdhi pasi Prokuroria e Policia nuk arritën të provojnë se ai është autori i dëmtimit me skaf të turistit rus.

Edhe në sheshin Skëndërbej do të ndërtohet. Bashkia e Tiranës ka shpallur kompaninë fituese për ndërtimin e sheshit Skëndërbej. Tashmë, pritet që të fillojë puna për rikonceptimin e këtij sheshi. Sipas gazetës Shqip në tender kanë marrë pjesë tre firma, ku dy prej tyre nuk kanë dorëzuar ofertë. Firma fituese ka kërkuar nga Bashkia e Tiranës 527 milionë lekë të reja për ndërtimin e këtij sheshi.
Sipas dokumenteve, sheshi qendror do të jetë i mbyllur dhe i padukshëm deri në momentin kur dikush shkel brenda tij: një boshllëk në mes të kaosit të qytetit.

Duke marrë shkas nga inagurimi i Katedrales "Ringjallja e Krishtit" në Gjirokastër, gazeta greke "Kathimerini" i bën një analizë të shkurtër përpjekjeve të kryepeshkopit Janullatos për të ringritur Kishën Ortodokse në Shqipëri. Gazeta e quan mrekulli atë që ka bërë Janullatos në 25 vite të qëndrimit të tij më Shqipëri, duke nënvizuar se përpjekjet e tij janë luftuar dhe po luftohen nga qarqe islamike në Tiranë.

Rrjeti Ballkanik i Gazetarisë Investigative – BIRN – shkruan sot për atë që e quan “biznesi i artë i koncesioneve. Në shkrim kalojnë në sitë koncesionet që janë dhënë nga qeveritë shqiptare, të cilat dalin rezultojnë me fitim shumë të madh. Disa prej tyre janë të njohur, si skanimi, markimi i karburanteve, Petrolifera, kolaudimi etj., thuajse të gjitha monopole në një treg ku shërbimi në shumicën e rasteve është skandaloz. Mjafton të kujtohet kolaudimi, radha e gjatë dhe heshtja e ministrit të Transporteve për të kuptuar se shqiptarët paguajnë edhe që të poshtërohen.

Shprehja që e bëri të njohur dhe shoqëroi rrugëtimin e tij si rekordmen i botës dhe kampion Olimpik ishte se çdo peshë e ngritur kishte një motiv "Për Greqinë". Pirro Dhima, djali nga Himara që i dha Greqisë 3 medalje të arta olmipike dhe shumë medalje të tjera 12 vjet pas Olimpiadës së fundit që u mbajt në Athinë në 2004 akuzohet piblikisht se patriotizmin e shiti në emër të famës dhe përfitimeve personale.