Blloku Në Vëmendje

Rreth një vit nga arrestimi lidhur me skandalin e recetave të rimbursueshme dhe ilaçit ‘Ketosteril’, Gjykata e Tiranës e ka liruar nga burgu pronarin e kompanisë farmaceutike “Omega Pharma” Nadir Causholli. Së bashku me të lirohen dhe disa prej të arrestuarve mbi këtë ngjarje.
Gjyqtarët Altin Abdiu, Milena Laska dhe Tereza Lani edhe pse e kanë pranuar fajësinë e të pandehurit Causholli, sipas kërkesës së prokurorisë kanë vendosur për të, shërbimin e provës si mënyrë për të vuajtur dënimin.

Kohët e fundit, për nevoja qartazi elektorale, ka një shtim të retorikës për çështjen çame. Politika është në të drejtën e vet të ndjekë këtë axhendë, sa kohë Parlamenti shqiptar ka miratuar rezolutë për këtë çështje.  Por duke qenë se për të shpenzohen energji dhe kredenciale të institucioneve shqiptare, është e udhës që kjo temë të shkëputet nga koneksti thjesht elektoral, për t’u afirmuar si një çështje që përcjell edhe në planin shoqëror jehonë pozitive. Z. Idrizi është kryetar partie dhe ai pikë së pari ka axhenda pushteti, ndonëse i kamuflon ato pas kauzave të tilla.

Kryetari i Bashkisë ka nisur të shkojë kopshteve për të rritur sensibilitetin e 4-5 vjeçarëvd për ndarjen e mbetjeve në kosha. Vetë Veliaj është mburrur se me ardhjen e tij, Tirana është bërë më e pastër, ndaj ngjan pak e tepruar kjo mësymje te të pafajshmit. Qëllimi pas kësaj shfaqjeje të një politikani dhe drejtuesi është i qartë: procesi që nis me mbetjet dhe koncesionimi i tyre. Thjesht kopshtet janë institucione ku shkojnë fëmijë të cilët nuk e dinë se me kë po dalin në fotografi dhe për çfarë po u flitet. Por këtu mungon reagimi i prindërve.

Prokuroria e Tiranes ka kërkuar dënimin me 7 vjet burg per Kasem Koçin, fadromisti që një vit më parë shypi në Sharrë një grua teksa ishte duke mbledhur plehra. Kërkesa është bërë në seancën e sotme, ku prokuroria e akuzon atë për “shkelje te rregullave te sigurise dhe mbrojtjes ne pune”.
Ngjarja ka ndodhur në landfillin e Sharrës, më 25 nëntor 2015. Fadromisti ka pranuar gjykim të shkurtuar dhe për këtë përfiton uljen e një të tretës së gjykimit.

Nuk kanë të sosur punishtet e drogës në Shqipëri. E çudtishme sesi kanë funksionuar për gjithë këto vite nën hundën e policisë dhe vetëm tani kanë nisur të zbulohen. Më e fundit në Mamurras.

Portali i regjistrimit në universitet prej 5 ditësh nuk u jep mundësi maturantëve të njihen me kuotat e lira në universitetet private. Kompania që administron portalin i ka hequr nga sistemi universitetet private që prej publikimit të disa fotove ku vërhej se kuotat e lira ishin shumë më të larta në numër se kuotat totale. Drejtori i RASH, Arjan Çela sqaron se portali ishte konceptuar vetëm për universitet shtetërore. Kryeministri tha një ditë më parë se hyrja në universitet do të vështirësohet dhe se ai që mbaron shkollën "është shërbëtor i popullit".

"TemaTv"

Sot Aleanca Kundër Importit të Plehrave ka zhvilluar një takim me kreun e Partisë Demokratike, Lulzim Basha, pozicionuar së fundmi kundër ligjit për importin e mbetjeve. Basha tha se rikthimi i ligjit dëshmon pafytyrësinë e Edi Ramës, cilësi kjo tanimë konsensuale në përshkrimin e këtij të fundit.

Me miratimin e ligjit për masat shtesë të sigurisë, ministri i Brendshëm, Sajmir Tahiri, nuk ka humbur kohë. Ai ka nisur të promovojë Shqipërinë e ekspozuar nga krimi i rrugës, që në statistika të tjera rezulton i ulur. Ky risk i lartë shërben si argument për të imponuar marrjen e masave teknologjike që burojnë nga ligji i ri, gjithnjë me synimin zyrtar siç shprehet ministri: për të çuar në zero goditjet kriminale. Por a është vërtet ky shqetësimi i tij?

Kreu i Departamentit të Shëndetësisë në Partinë Dsmokratike, Tritan Shehu shkruan sot se qeveria vendosi pa asnje argu​ment teknik e shkencor qe mosha e atyre qe perfitojne nga i ashtuquajturi Check- Up te zgjerohet deri me 70 vjec.
Sipad tij, kjo behet kur mbas dy vitesh qe kjo procedure, e aplikuar vetem ne vendin tone, pa rentabilitet financiaro-klinik, me hapesira te medha keq perdorimesh te fondeve, me nje kosto shume te larte per sistemin tone shendetesore etj, "funksionon" pa u dhene asnje konkluzion shkencor, klinik, financiar apo statistikor.

Një dokumentar prej 28 minutash zbulon se çfarë fshihet pas importit të mbetjeve. Filmimi i realizuar nga një ekip italian është publikuar nga Aleanca Kundër Importit të Plehrave (AKIP). “Doni të dini se si funksionon mafia e plehrave? Mjafton të kushtoni vemendjen tuaj per 28 minuta. Ata që duan importin e plehrave nuk duan që ju ta shihni”, është mesazhi që shoqëron këtë video në faqen e AKIP.