Blloku Në Vëmendje

Një seri analizash të ujit të kryera në ujin e pijshëm të 12 vendeve ka zbuluar se kontaminimi me mikroplastikë është global. Analizat e kryen për llogari të një investigimi të Orb Media dhe ato paraqesin një situatë alarmante në shkallë globale që kërcënon seriozisht mjedisin dhe jetën e njeriut. Shkalla më e ulët e kontaminimit është në Europë, konkretisht, Britani  e Madhe, Gjermani, dhe Francë, kurse ShBA e ka më të lartën. Në tërësi studimi provoi se 83% e mostrave rezultuan me ndotje duke sugjeruar situatën në të cilën ndodhet njeriu. 

Emisioni "Stop" transmetoi një investigim mbi tenderin e kullave të vrojtimit në bregdet dhe funksionimin e tyre. Sipas "Stop" në  27 prill të vitit 2017 nga Agjencia Kombëtare e Bregdetit  është tenderuar një kullë me shumën prej 41 milion lekë të vjetra, ku adresa e dhënë është në Dhërmi.
Nga kërkimet në gjithë vijën bregdetare në Dhërmi nuk gjeti asnjë kullë që të kishte të bënte me tenderimin e Agjencisë së Bregdetit. E vetmja kullë që ishte në Dhërmi ishte një kullë e cila ishte ndërtuar nga një subjekt privat.

Europa ka problem Erdoganin dhe kjo kosto bie mbi Turqinë, të cilës po i mbyllet dera nga Brukseli.  "Turqia po largohet nga Evropa dhe kjo e bën të pamundur që ajo të bëhet anëtare e Bashkimit Evropian", tha zëdhënësi i Komisionit Europian të hënën, duke bërë të qartë se çdo vendim për të ndaluar zyrtarisht procesin e negociatave të pranimit të Turqisë varet nga 28 shtetet anëtare të Bashkimit dhe jo nga Komisioni.

Sot, thuajse të gjitha mediat përcollën një raport të Agjencisë Europiane të Mjedisit që e rendit Shqipërinë në vend të fundit në Europë për pastërtinë e plazheve. 

“Në raport janë marrë në analizë 28 vende anëtare të BE, si dhe Shqipëria dhe Zvicra, nga të cilat vetëm 35 % e tyre ofrojnë cilësinë e ujërave si të shkëlqyer, 20 % me cilësi të mirë dhe 5 % kanë cilësi të mjaftueshme.

Megjithë polemikat Këshilli Bashkiak i Himarës miratoi planin rregullues të Himarës  ku përfaqësuesit e PS-së dhe PD-së votuan pro. Plani rregullues i Himarës parashikon zgjatimin e shëtitores së qytetit deri në afërsi të portit, ndërsa nga zgjatimi i saj preken disa ndërtime në këtë zonë, të cilat do të shemben. Mes personave të prekur nga ky plan janë edhe vetë Beleri dhe Neranxi, të cilët zotërojnë prona në mesin e ndërtesave që parashikohen të shemben pas miratimit të planit.
Athina e konsideron kete shkelje te te drejtave te Njeriut te minoritetit grek ne vendin tone.

Sot në disa televizione u raportua se mbledhja e këshillit bashkiak të Himarës u transferua në Kuç të Vlorës, për shkak të tensioneve të provokuara sipas këtyre të dhënave nga përfaqësues të Omonias si Fredi Bejleri dhe biznesmeni Nikollaq Neranxi. Këta kanë shkuar edhe në Kuç por mandej janë larguar për të lënë vijimin e mbledhjes me konsensus mes PS, LSI dhe PD. Në mbledhje diskutohet plani i ri rregullues që sipas Rilindjes do transformojë zonën ndërkohë që banorët ankohen se po u grabitet prona. 

Një fushatë verifikimi të burimeve financiare për personat që posedojnë makina luksoze, biznese apo pasuri të paluajtshme do të jetë operacioni i parë i qeverisë së re, në kuadër të forcimit të ligjit dhe luftës kundër aseteve kriminale. Nisma është shpallur nga kryeministri Rama gjatë mbledhjes së Task Forcës që bëri një rezyme të luftës antikanabis.

Carlo Bollino shkruan sot në gazetën e tij, “shqiptarja.com” për një vendim të marrë në gusht të këtij viti që sanksionon të drejtën që u njihet katër OJF në vjeljen e taksave për të drejtat e autorit. Sipas Bollinos që sjell në shkrim edhe tekstin e vendimit dhe faksimilen përkatëse, vendimi godet mediat, por edhe autorët, të cilëve u hiqet e drejta e negociimit me mediat për çdo prodhim të vetin. Më interesante akoma, këto OJF do të vjelin 1-4 përqind të reklamave për t’ua dhënë autorëve ndërkohë që 30 përqind të kësaj takse do ta mbajnë vetë si komision për punën e tyre të çmuar.

Policia ka nisur një aksion kombëtar për goditjen e rasteve të ndërtimeve pa leje, duke  u bërë jehonë arrestimeve që ka kryer në të gjithë territorin. Diçka e ngjashme me represionin ndaj debitorëve apo vjedhjesve të energjisë gjatë operacionit të famshëm për disiplinimin e pagesave ndaj OSHEE. 
Ditët e fundit ka raportime për evidentimin e rreth 70 ndërtimeve pa leje dhe dhjetra të arrestuarve. Për të kontrolluar çdo abuzim mbi territorin, qeveria ngriti  Inspektoriatin Kombëtar për Mbrojtjen e Territorit, i cili për 4 vjet veproi nën urdhërat e Dallëndyshe Bicit. 

Shoqëria “Integrated Energy B.V” është fituese e koncesionit për ndërtimin e landfillit dhe inceneratorit të Tiranës me vlerë 128 milion euro. Landifilli ekzistues do të rindërtohet brenda 22 muajve e më pas kompania do të nisë ndërtimin e inceneratorit të mbetjeve, ku sipas studimit të fizibilitetit, në të ardhmen djegia e mbetjeve do të prodhopjë energji elektrike.