Blloku Në Vëmendje

Gazeta greke “Proto Thema” publikoi të shtunën një shkrim ku bën fjalë për një nismë të qeverisë greke për t’i hequr nënshtetësinë greke shumë himariotëve apo banorëve të bregut, të cilët punojnë ngushtë me autoritetet e Tiranës kundër minoritetit grek dhe  rrëmbimit të vazhdueshëm të pasurive të minoritarëve grekë që jetojnë në Tiranë.

Disa media raportuan tërheqjen nga operacionet për shuarjen e zjarreve në jug të vendit të dy avionëve grekë Canadair, duke ngritur pikëpyetje mbi urdhërin e tërheqjes së tyre. Pikëpyetje që nxisin aludime mbi atë që fshihet pas një vendimi të tillë, por që mjafton të shohësh raportimet e mediave fqinje për të kuptuar se nuk bëhet fjalë për ndonjë akt sabotazhi, por për një kordinim të operacioneve në të dy vendet.

Ulja e nivelit të ujërave në lumenjtë e Veriut ka nxjerrë në dukje edhe problemin e ndotje. Siç shihet nga kjo video e realizuar në Kukës dhe postuar në Facebook nga z. Arben Palushi dhe shpërndarë nga faqja "Mbrojtësit e Detit", ndotja është e madhe dhe ajo prek cilësinë e ujit në lumë. 

Autoritetet italiane po kthejnë vëmendjen nga kriminaliteti në Pulia. Ai i organizuar që po merr përmasa të mëdha. Lajmi i vrasjes së katër personave në Foggia, në San Marco, ka zënë vend kryesor në të gjitha mediat kryesore. Arsye për këtë është mënyra e ekzekutimit: një njësi vrasësish e përbërë nga katër ose pesë persona në ndjekje të një makine ku ndodhet objektivi kryesor: Mario Luciano Romito, 50 vjeç, i konsideruar si bosi i klanit të Manfredonias, në Gargano. Për vrasjen janë përdorur dy armë: Ak 47 dhe një armë gjahu, kalibri 12.

Në Ballkan nuk është problem kryesor përhapja e lajmeve të rreme, por përpjekjet për të kontrolluar mediat. Në një intervistë për Radio Evropa e Lirë, ish- përfaqësuesja e OSBE-së për Lirinë e Medias, Dunja Mijatoviç,  është shprehur se “situata e medias në Ballkan, përkeqësohet dita ditës”. Sipas saj kjo situatë është pasojë e konfliktit dhe shoqërive në tranzicion. Nga ana tjetër dështimi i politikanëve dhe prirja për të kërkuar kontroll mbi mediat është dominues.

Zgjedhjet politike në Kosovë nuk kanë prodhuar ende një qeveri që të ccojë përpara axhendën europiane të vendit. Gjermania, vendi që nxit Ballkanin drejt proceseve integruese është e shqetësuar se kriza ku është futur politika pas zgjedhjeve rrezikon axhendën europiane të Kosovës. Ambasadorja në largim, Angelika Viets thotë në një intervistë për DW se kriza politike në Kosovë është pasojë edhe e armiqësive të vjetra e egoizmave partiakë.

Universiteti Bujqësor në Kamëz mbetet Institucioni më i mirë i Arsimit të Lartë në Shqipëri. Vlerësimi vjen nga Këshilli i Lartë për Kërkimet Shkencore me qendër në Spanjë, i cili ka publikuar rezultatet e vitit 2017-të për universitetet më të mira për çdo shtet, përfshirë Shqipërinë.

Situata e krijuar me gjyqësorin në kontekstin e një reforme të lënë në mes të rrugës, është absurd. Vakancat që po krijohen në disa nivele gjykatash, përfshirë Gjykatën e Lartë dhe atë Kushtetuese, kërkojnë miratimin e Vettingut për të hapur procesin e emërimeve. Në një intervistë për gazetën “Shekulli”, juristi Çlirim Gjata shpjegon se shpresa e mbetur politike për të dalë nga kjo situatë është të pritet nëse marrëveshja Rama – Basha do të zbatohet për reformën kushtetuese.

Më poshtë intervista e Gjatës:

Autoritetet europiane janë vënë në alarm pas skandalit me kontaminimin e vezëve të prodhuara në fermat e Holandës dhe eksportuara kryesisht në Belgjikë e Gjermani. Zyrtarët e sigurisë së ushqimit në Belgjikë pranuan se ata ishin në dijeni për këtë çështje.

"Ne e dinim që nga i qershori se ka patur potencialisht një problem me [insekticidin] fipronil në sektorin e shpendëve. Ne menjëherë nisëm një hetim dhe ne gjithashtu e informuam prokurorin për një mashtrimit të mundshëm", tha  Katrien Stragier, një zëdhënës i agjencisë së sigurisë së ushqimit në Belgjikë, AFSCA.

Në gjithë vendin mësohet se  janë djegur më shumë se 500 hektarë pyje e kullota nga zjarret e shpërthyera që prej qershorit. Edhe këtë vërë Emergjencat Civile kanë kërkuar ndihmën e avionëve nga Greqia dhe Italia pasi  vendi ynë nuk ka avionë ujëhedhës. Tv Klan raporton se 20 bashki nga 61 që ka i gjithë vendi, nuk kanë fare shërbim zjarrfikës, ndaj dhe sytë jane drejtuar nga vendet fqinje ku është kërkuar dergimi i avionëve për të shuar nga ajri zjarret e shumta që janë shënuar këtë verë . Sipas Emergjencave Civile 90 për qind e rasteve janë zjarrvënie të qëllimshme.