Blloku Bota

Rusia ka folur shpesh në mbrojtje të rendit ndërkombëtar dhe normave që burojnë nga dokumentet kryesore. Mbi këtë bazë është kundërshtuar zyrtarisht prej saj edhe pavarësia e Kosovës, një shtet i ri që aktualisht po ecën drejt njohjes nga shumica e vendeve të OKB-së. Mirëpo ky qëndrim mund të shkëmbehet nga Rusia me pavarësinë e Krimesë, rajoni I shkëputur nga Ukraina dy vite më parë, e mbi të cilin Moska shpalli aneksimin e plotë.

Rusia është tërhequr nga Gjykata Ndërkombëtare e Krimeve duke u bërë kështu një nga vendet që braktisin këtë institucion.

Agjencia shtetërore “Sputnik” shkruan se presidenti Vladimir Putin ka firmosur dekretin për refuzimin nga Rusia të pjesëmarrjes në Statutin e Romës, pjesë e Gjykatës, akti është shoqëruar me një njoftim nga qeveria ruse, sipas së cilës “GjNK-ja nuk ka justifikuar shpresat që çuan në krijimin e saj dhe nuk arriti të bëhej një trup juridik vërtet i pavarur dhe me autoritet”.

Presidenti Sirian, Bashar Al Assad, ka folur për herë të parë pas zgjedhjes se Donald Trump, në krye të Shtëpisë së Bardhë. Ai tha se  do të presë nëse presidenti i ri amerikan do t’i ndryshojë politikat amerikane për Sirinë, tha Assad në një intervistë për një televizion portugez.  “Jam i gatshëm të bashkëpunoj me të në zhdukjen e terrorizmit në Siri”, deklaroi presidenti sirian.

Megjithë deklaratat premtuese të Donald Trump gjatë fushatës se do të luftoje ekstremistët islamikë ne Siri, Assad është treguar skeptik për mbajtjen e premtimit nga ana e Trump.

Shkrimtarja Emma Kenedy e ngacmoi Donald Trump-in në adresën e tij në Tweeter (@realDonaldTrump), duke i shkruar se fitoren nuk e kishte patur aq të lehtë, sepse Hillary Clinton-i ka marrë rreth 1 milion vota më shumë se ai në rang kombëtar. Dhe Trump-i iu përgjigj: “Nëse zgjedhjet do të përcaktoheshin nga totali i votave popullore [në rang kombëtar], unë do të kisha bërë fushatë në Kaliforni, Nju Jork e Florida, dhe do të kisha fituar edhe më lehtë”.

Në Kaliforni e Nju Jork, Trumpi humbi përkatësisht me 30 dhe 20 pikë përqindje, ndersa në Florida ai fitoi me 1 pikë përqindje.

Drejtuesi i Kongresit, Paul Ryan, shprehet se Trump do të jetë një president shumë i suksesshëm.

Ish – kryetari i Bashkisë së New York, Rudy Giuliani është kandidati më i mundshëm për sekretar Shteti në administratën e Donald Trump. Associated Press raporton se emri i Giulianit u citua nga një prej njerëzve më të afërt me Trump, duke pasqyruar mbështetjen që ai dha për fushatën e presidentit të ti amerikan gjatë fushatës elektorale.

Barack Obama nuk e ka fshehur shqetësimin për zgjedhjen e Donald Trump si president i Shteteve të Bashkuara të Amerikës.  Në konferencën e tij të parë pas zgjedhjeve në SHBA, Obama tha se nuk donte të kritikonte pasardhësin e tij, por nuk mund të mos ndihej i shqetësuar për planet e Trump.  

Donald Trump i ka shqetësuar të gjithë. Një individ i vetëm ka zhbërë besimin tek sistemi amerikan, i konsideruar si garanti i demokracisë e ca më tej i botës së lirë. Analistë dhe opinionistë të ndryshëm, media të tëra janë në radhën e gjatë të vajtimit dhe histerisë postelektorale amerikane duke i dorëzuar kodin e qytetërimit perëndimor një njeriu: Donald Trump. Po ecet më tej duke sugjeruar edhe një alternativë ndaj SHBA-së si shtëpia kryesore e lirisë. Gjermania po del në skenë si vendi që mund t’i besohet demokracia, zhvillimi dhe ruajtja e saj.

Intervista me Donald Trump në show-n «60 Minutes» të CBS edhe pse u dominua nga deklaratat e tij se do të përzërë 3 milionë emigrantë dhe do të ndërtojë murin me Meksikën që e kishte premtuar para zgjedhjeve – një pjesë e të cilit  do të jetë e gardh -  nuk ishin të vetmet lajme në daljen e tij të parë në media si President i Shteteve të Bashkuara të Amerikës.

Deri në marrjen e postit të Presidentit të ardhshëm të SHBA, Donald Trump do të kalojnë disa javë. Qeveria gjermane pra ka kohë që të përgatitet. Por krejt të paqarta janë planet në politikën e jashtme të Trumpit.

Një nga temat me pikëpyetje është e ardhmja e NATO-s. Si do të vejë puna me aleancën ushtarake transatlantike, nëse Trump e bën realitet premtimin e fushatës së tij elektorale dhe e paraqet vërtet si çështje për shqyrtim besnikërinë në aleancë? Çfarë do të ndodhë, sikur SHBA ta pakësojnë dukshëm angazhimin e tyre financiar dhe ushtarak?