Blloku Bota

Në arritjet e mandatit të tij dhe rëndësinë e demokracisë u fokusua presidenti në largim Barack Obama, në fjalimin e tij të lamtumirës drejtuar popullit amerikan nga Çikago, qyteti ku ai u zgjodh senator. Obama e filloi fjalimin e tij duke falenderuar qytetarët amerikanë pavarësisht nëse ishin " dakord ose jo me të" dhe i ftoi të mbrojnë idealet e vendit dhe Kushtetutën  nga rreziqet e brendshme dhe të jashtme. "Bisedat me ju më mbajtën me të sinqertë  dhe një president më të mirë"-tha ai.

Në Turqi kanë nisur diskutimet për ndryshimet e reja kushtetuese që pritet të sjellin pasoja të rëndësishme për vendin. Gazeta e njohur turke “Hurriyet” publikon sot një opinion të Mehmet Y. Yilmaz që I kushton vëmendje edhe faktit se ndryshimet po trajtohen në një mosnjohje të madhe.

“36% e qytetarëve që do të votojnë në një referendum të mundshëm nuk kanë asnjë informacion për ndrhyshimin e kushtetutës. 28% kanë shumë pak njohuri dhe 14% kanë pak njohuri”, shkruan autori.

Fake News – kështu i ka komentuar presidenti i zgjedhur amerikan, Donald Trump raportimet e fundit që kanë dalë përmes CNN e që ndërtojnë një skenar për kapjen e tij nga rusët. Mediat kanë hedhur në qarkullim një raport prej 35 faqesh, i cilësuar sensitiv ku referohen burime nga shërbimet ruse që flasin për një përpunim në 5 vite të Trump, për aktivitete të sikletshme në sferën private, por edhe për favorizime të mëdha në biznes. Ndonëse u deklarua se FBI-ja po heton, keu i Byrosë, James Comey, nuk ka pranuar të bëjë publike ndonjë gjë.

Presidenca amerikane e Donald Trump mbërrin në kufijtë e kinematografisë. Sulmet e kundërsulmet e pandërprera që nisën që me frikën se Trump mund të shtypë butonin e armëve bërthamore, vazhduan te racizmi i tij, antimyslimanizmi, politika e jashtme e paqartë, ka prodhur sot një tjetër episod. CNN raporton se sipas disa burimeve, që sigurisht janë familjarë me çështjen, shërbimet sekrete amerikane i kanë paraqitur Barack Obamës dhe presidentit të zgjedhur Donald Trump, të dhëna se Rusia posedon informacione kondidenciale, kompromentuese, me natyrë personale dhe financiare për Trump.

Qeveria e presidentit të sapozgjedhur të SHBA-ve, Donald Trump pritet të përballet me një rrezik në rritje të konflikteve ndërkombëtare dhe regres më të madh të vlerave demokratike pas përfundimit të Luftës së Ftohtë. Paralajmërimi vjen nga agjencitë e zbulimit në një raport të bërë publik të hënën.

Zhvillimet ekonomike dhe politike, ndryshimet teknologjike dhe humbja e rolit udhëheqës të Shteteve të Bashkuara kumtojnë një të ardhme të vështirë dhe të zymtë”-thuhet në raportin e publikuar nga Këshilli Kombëtar i Inteligjencës.

Arrestimi i Haradinaj nuk ndihmon klimën e favorshme për normalizimin e marrëdhënieve mes Kosovës dhe Serbisë. Ky mesazh erdhi së pari nga përfaqësuesja e shefes së diplomacisë europiane Federica Mogherini gjatë debatit të zhvilluar mbi rezolutën për Serbinë në  Komisionin e Punëve të Jashtme të Parlamentin Europian, ku në fakt Beogradit nuk i vihet asnjë pengesë për integrimin në BE pavarësisht urdhër-arresteve që ka në fuqi.

Ndërkohë që presidenti i zgjedhur në SHBA, Donald Trump, deklaron se testi I raketave ndërkontinentale balisitke të Koresë së Veriut, nuk do të ndodhë, sekretari i Mbrojtjes, Ashton Carter, ka shkuar më tej duke bërë të qartë se nuk përjashtohen veprimet ushtarake.

Në bankën e të akuzuarve do të ulet më 19 janar, ish-kryeministri dhe ish-lideri i PASOK Jorgos Papandreu. Gjykata e Shkallës së Parë të Athinës do të shyrtojë padinë e ngritur nga një toger në pension i Marinës Greke, i cili kërkon kompensim për dëmin moral të shkaktuar nga ish-kryetari i PASOK-ut për fyerje të personalitetit të tij nga mosmbajtja e premtimeve elektorale të vitit 2009, kur Jorgos Papandreu u tha grekëve se paratë për daljen nga kriza ishin në arkat e qeverisë.  

Nikolla Gruevski, kreu i partisë fituese të zgjdhjeve të parakohshme në Maqedoni është mandatuar nga presidenti George Ivanon per krijimin e qeverise se re. 46-vjeçari ka deklaruar se do të mundohet të krijojë qeverine e re, por jo me çdo kusht. Duke komentuar platformën e partive shqiptare, Gruevski thotë se dygjuhësia nuk u duhet shqiptarëve në Dellçeve apo viset tjera ku ata nuk jetojnë. Sipas tij, shqiptarët më shumë kanë nevojë për punësime të reja, paga të mëdha dhe standard më të lartë jetese

Një palestinez përplasi kamionin e tij me një grup ushtarësh izraelitë në një rrugë për këmbësorë në Jeruzalemin perëndimor, duke vrarë katër ushtarë dhe duke plagosur 15 të tjerë në një sulm të qëllimshëm. Disa orë më vonë, kryeministri izraelit Benjamin Netanyahu tha se autori i sulmit ishte një mbështetës i Shtetit Islamik. "Ne e dimë identitetin e agresorit dhe sipas të gjitha indikacioneve, është një mbështetës i Shtetit Islamik” tha kryeministri Netanyahu në një deklaratë.