Blloku Bota

Bashkimi Europian është paditur në Gjykatën Ndërkombëtare të Krimeve në Hagë për krime kundër njerëzimit në Libi. Dokumenti prej 245 faqesh është përpiluar dhe depozituar nga dy autorë, Juan Branco, ish-punonjës në Gjykatën në fjalë por edhe në Ministrinë e Jashtme të Francës dhe Omer Shatz, një avokat izraelit që jep mësim në një universitet në Paris. 

Elton John ka folur hapur rreth krizës britanike të Brexit, duke thënë se ndihet i "turpëruar" për vendin e tij dhe manipulimit me çështjen e divorcit të Britanisë nga Bashkimi Evropian.

Gjatë një koncerti në Verona të Italisë në kuadër të një turneu botëror ai shprehu kundërshtinë e tij për largimin e Britanisë nga Bashkimi Europian.

Ekrem Imamoglou, kandidat i Partisë Republikane të opozitës për bashkinë e Stambollit, mban rekordin për qëndrimin më të shkurtër në detyrën e kryetarit të kësaj bashkie.  Qëndroi vetëm për 17 ditë në këtë post para se Presidenti Erdogan të urdhëronte ripërsëritjen e zgjedhjeve më 23 qershor.

Fitore në 6 nga 7 rajonet ku u zhvillua raundi i dytë i zgjedhjeve lokale siguruan kandidatët e Demokracisë së Re në Greqi. Konservatorët korrën sukses në Athinë, ku kryebashkiak i ri do jetë djali i ish-kryetares së Demokracisë së Re, Dora Bakojanis.

Gjithsesi ajo që u vu re në raundin e dytë ishte pjesëmarrja e ulët.

Duke uruar kryetarët e bashkive dhe prefektët  që fituan në raundin e dytë, kryeministri Aleksis Tsipras u bëri thirrje të gjithë fituesive  pëvarësisht nëse vinin nga radhët e Syriza-s që  për katër vitet e ardhshme të punojnë për qytetet më të mira.

Kryetarja e Partisë Social Demokrate Gjermane (SPD) Andrea Nales njoftoi dorëheqjen pas rezultateve zhgënjyese të partisë në zgjedhjet e fundit europarlamentare.

Nales mori kritika të shumta për konsultimet me partinë e kancelares Angela Merkel për të qëndruar në koalicionin qeveritar.

"Unë nuk gëzoj më mbështetjen e nevojshme për të kryer detyrat e mia”-deklaroi ajo. Nales njoftoi se nga posti i kryetares së partisë do të tërhiqet të hënën, ndërsa nga kryesia e grupit parlamentar të SPD të martën.

Ideja e shkëmbimit të territoreve mes Serbisë dhe Kosovës, nën eufemizmin “kompromis historik” u skualifikua në planin e brendshëm, por ajo po ushqehet nga brenda Europës, nga qarqe apo njerëz që në fakt në Ballkan vetëm zgjidhje nuk kanë sjellë. 
Në një intervistë për agjencinë gjermane, Deutsche Welle, ish-përfaqsuesi i Lartë për Bosnjen, diplomati austriak, Wolfgang Petrisch thotë se për zgjidhjen e mosmarrëveshjes Serbi-Kosovë nevojitet një Dejton Europian. 

Demokratizimi dhe hapja, ja dy mjete me të cilat mund të kërkosh zgjerim të lirive, por që në një pikëpamje mund edhe të destabilizosh regjime të caktuara politike. Perëndimi nuk ka patur ndonjëherë në dispozicion asnjë mjet më efikas gjeopolitik sesa promovimi i ideve liberale. 

Në emër të tyre kanë zbritur në sheshe mijëra njerëz që kanë tentuar ndryshime radikale politike të cilat janë përqafuar më shumë si receta ideale sesa janë imponuar si shprehje e një vullneti të brendshëm. 

Serbia ka paralajmëruar sot Bashkimin Europian se do të tërhiqet dhe nuk do të njohë më detyrimet që rrjedhin nga Marrëveshja e vitit 2013 me Kosovën mëse Unioni nuk reagon ndaj deklaratave të fundit të presidentit të Kosovës Hashim Thaçi. Ky i fundit u shpreh dje se nuk do të miratojë krijimin e Asosacionit të Komunave Serbe që është detyrim i marrëveshjes. 

Në një prononcim për mediat serbe, presidenti serb, Aleksandër Vuçiç ka vënë në dukje se qëndrimi i Thaçit ka kaluar pa asnjë reagim nga Brukseli, që po rrëshqet kështu në vijat e fundit të besueshmërisë së vet. 

Kina e konsideron sjelljen e ShBA-me me provokimin e luftës tregëtare një aspekt të terrorizmit ekonomik. Situata e krijuar me kompaninë Huawei duket se mbushi kupën e durimit kinez, pas një serie masash të presidentit amerikan Donald Trump që duket se ka zhvendosur luftën e armatosur ndaj armiqve të Lirisë në sektorin ekonomik. 
Zv. ministri i Jashtëm kinez, Zhang Hanhui, deklaroi para gazetarëve se Kina nuk e dëshiron një luftë tregëtare por nuk i druhet asaj. 

Izraeli i drejtohet sërish zgjedhjeve. Mediat e huaja raportojnë se Beniamin Netanyahu nuk ka arritur të krijojë koalicion qeverisës për shkak të kundërshtimeve mes tij dhe partive ultra ortodokse hebreje si dhe ish-ministrit të Mbrojtjes, Avigdor Lieberman. Netanyahu, që shpalli veten fitimtar në zgjedhjet e 9 prillit kishte afat deri në mesnatën e të enjtes, por nuk ja doli. Për këtë arsye Parlamenti votoi shpërndarjen.