Blloku Bota

Dy komedianë rusë kanë vënë në lojë kryeministrin Zoran Zaev duke iu prezantuar në telefon si presidenti ukrainas, Petro poroshenko dhe sekretari I Përgjithshëm i NATO-s, Jens Stoltenberg. Vladimir Kuznetsov dhe Aleksey Stolarov kanë telefonuar Zaevin në gusht të vitit 2018, janar dhe prill të vitit 2019, duke folur për çështje si situate në Maqedoni para referendumit për emrin, marrëdhëniet mes Serbisë dhe Kosovës, ndikimit rus dhe autoqefalia e kishës.

Ministria e jashtme e Kinës i bëri thirrje SHBA-së që të anulojë menjëherë planin për të shitur 2.2 miliardë dollarë armatime në Tajvan, duke nënvizuar se është kategorikisht kundër këtij veprimi.  SHBA miratoi të hënën shitjen e mundshme në Tajvan të tankeve M1A2T Abrams, raketave Stinger dhe pajisjeve të ngjashme.

Zëdhënësi i Ministrisë së Jashtme kineze Geng Shuang bëri komentin e mësipërm gjatë takimit të përditshëm të gazetarëve në Pekin.

Irani ka hedhur një hap më tej në programin e vet bërthamor duke ritur pasurimin e uraniumit përtej kufirit të caktuar në marrëveshjen e vitit 2015 me fuqitë kryesore të botës. sipas informacioneve mediatike, me këtë veprim, Teherani zyrtar i është afruar edhe më shumë nivelit të prodhimit të armëve bërthamore, që ka qenë një ndër akuzat kryesore ndaj tij dhe shkak për presione që shkojnë deri në kërcënim me ndërhyrje ushtarake.

Shumë aktorë të huaj kanë qenë të përfshirë në luftën e vazhdueshme civile në Libi, mes të cilëve edhe Turqia. Konflikti dhe tensioni janë të përqëndruar rreth kryeqytetit. Ankaraja mbështet qeverinë e njohur ndërkombëtarisht me bazë në Tripoli, e cila po përballet me rezistencën e “Ushtrisë Kombëtare Libiane”,  (LNA) që kontrollon pjesën më të madhe të vendit. Ajo është nën komandën e Marshallit, Khalifa Haftar.

Media të ndryshme të huaja po qarkullojnë një informacion që vë në dukje dyshimet e mëdha që provokon personaliteti i Donald Trump edhe brenda aleatëve më të ngushtë të SHAB-ve. Një memo e ambasadorit britanik në SHBA, Kim Darroch, hartuar në vitin 2017 dhe drejtuar qeverisë së tij, hedh dritë mbi vlerësimet e ktij diplomati për presidentin amerikan.

Rrezaton pasiguri. Me të duhet që t’i bësh të thjeshta parashtrimet, madje duhet të flasësh troç

shkruan Darroch.

Presidenti turk, Recep Tayip Erdogan njoftohet se do të marrë pjesë në samitin dyditor të Procesit të Bashkëpunimit të Vendeve të Europës Juglindore që mbahet në Sarajevë në datat 8-9 korrik të këtij viti. Sipas drejtorit të Komunikimit të presidentit turk, Fahrettin Altun ky samit është e vetmja platformë që përfshin të gjitha vendet e Ballkanit.

Takimi do të përqendrohet në hapat që duhen ndërmarrë për të përmirësuar bashkëpunimin në Ballkan, veçanërisht në fushën e ekonomisë, tregëtisë, transportit, infrastrukturës dhe investimeve

Polonisë i nevojitet rikthimi i gjithë të rinjve që kanë ikur në vendet e Bashkimit Evropian për të ndihmuar në zhvillimin e ekonomisë kombëtare.

Për këtë arsye qeveria polake është duke shqyrtuar heqjen e tatimin mbi të ardhurat për qytetarët nën moshën 26 vjeç. Kryeministri i Polonisë, Mateusz Morawiecki tha për Financial Times se "kjo masë ka për qëllim të përmirësojë mundësitë për të rinjtë polakë, në mënyrë që ato të përputhen me kushtet e ofruara në Perëndim".

Autoritetet turke raportojnë se kanë sekuestruar 18.1 gram Californium radioaktiv, material që përdoret në prodhimin e armëve bërthamore dhe në reaktorë bërthamorë. Vlera e materialit të kapur shkon në 72 milionë dollarë dhe ajo u kap nga policia kriminale dhe antitrafik në një makinë në rajonin Detit të Zi.

Mediat raportojnë se sasia e kapur i është dërguar për analiza të mëtejshme Autoritetit Turk për Energjinë Atomike.

Juncker tha se rotacioni në krye të Komisionit Europian nuk pati shumë transparencë. Nuk është e qartë se çfarë donte të thoshte zyrtari në fjalë që e plotësoi mandatin me mikroskandale dhe skena komike të një pijedashësi që është ngopur duke qenë në krye. Por fjala është për caktimin në vend të tij të ministres gjermane të Mbrojtjes, Ursula von der Leyen. Një njeri I gjermanëve në krye të KE-së. Kështu është ideja e parë. Një njeri i Merkel që sot ka timonin e Europës, ekzekutivit të saj.

Vizita e presidentit rus, Vladimir Putin në Itali, është shoqëruar me optimizëm nga politika e vendit fqinj që përherë ka mbajtur një linjë komunikimi të veçantë me Moskën. kryeministri Italian, Giuseppe Conte është shprehur në një intervistë për gazetën “La Stampa” se Rusia mund të luajë një rol në menaxhimin dhe zgjidhjen e krizave rajonale si ato në Venezuelë, Siri apo Libi. Conte ka nënëvizuar se për situatën në Libi është mirë që violin e parë për armëpushimin të jetë OKB-ja, një qasje që shkon në logjikën e tij për një dialog përfshirës mes Rusisë dhe SHBA-së.