Blloku Bota

Sebastian Kurz ka “kapërcyer ylberin” duke arritur një marrëveshje plitike me Të Gjelbrit në Austri. Ai ka njoftuar krijimin e koalicionit ditën e ndërrimit të viteve në një konferencë të përbashkët për shtyp me partnerin e ri politik, Werner Kolger. Marrëveshja arrihet tre muaj pas zgjedhjeve parlamentare që u provokuan nga një video skandal ku shfaqej zv.kancelari Heinz – Christian Strache që ofronte kontrata shtetërore.

Sulmi i organizuar mbi ambasadën amerikane në Baghdad ka rihapur mundësinë e ndërhyrjes ushtarake amerikane në rajon, duke e vënë presidentin Donald Trump në kushte të favorshme politike tani që në Kongres kërkohet të ngrihet akuza ndaj tij. Dje media pranë tij, Fox News raportonte se pas sulmeve të mbështetura nga milici proiraniane, në Washington po diskutohej vendimi për dislokimin e 4000 trupave amerikane në Kuvajt, pjesë e divizionit të 82-të ajror.

Kompania kineze e teknologjisë, Huawei, ka deklaruar përmes drejtuesit të saj, Eric Xu se për vitin 2020 objektivi kryesor i saj është mbijetesa.  
Ky i fundit ka vënë në dukje se bojkoti nga vendet perëndimore ka sjellë rënie të shitjeve poshtë parashikimit. Nga 125 miliardë dollarë të parashikuara në janar 2019, kompania mbylli bilancet me 121 miliardë dollarë, që përbën një shifër 18% më të lartë se një vit më parë, por më poshtë parashikimit. 

Presidenti i Kosovës, Hashim Thaçi ka deklaruar përmes një konference për shtyp arsyen se pse ajo nuk mori pjesë në nismën e njohur si Minishengeni.

Liria e fjalës ka rëndësi. Dhe për ta konfirmuar këtë deputeti ekstremist hollandez Geert Wilders ka bërë një “eksperiment” që ka provokuar reagime.

Ka njoftuar një konkurs për karikaturimin e Profetit Muhamed të cilin e ka mbyllur pak orë pas njoftimit.

Rezultati është sipas Wilders befasues. Shumë punë janë dorëzuar në adresën e tij madje nga disa vende. Në tuiter Wilders shpall fituesin që është një punim i imagjinuar i Profetit që shfaqet si person i inatosur, gati i tërbuar.

Albin Kurti rrezikon të mbetet vetëm në qeverisjen e vendit. Aktorët politikë në Prishtinë po deklarojnë gatishmërinë për ta votuar atë si kryeministër, por jo që të marrin pjesë në bashkëqeverisje me të. Kreu i Lidhjes Demokratike të Kosovës, Isa Mustafa ka shkruar në Facebook se “LDK është për krijimin e institucioneve, por kjo nuk do të thotë detyrimisht se ajo do të marrë pjesë në qeveri”.

Kandidati për kryemonistër i Kosovës, Albin Kurti ka sqaruar sot përpara Këshillit të Përgjithshëm të partisë së tij, Lëvizja Vetëvendosje, arsyet se përse refuzoi ftesën e presidentit të Republikës, Hashim Thaçi për takim konsultativ.

Presidenti serb Aleksander Vuçiç ka deklaruar se në Shqipëri dhe Kosovë thuhen shumë gënjeshtra për të, por se ai është në pritje të krijimit të qeverisë së re në Kosovë në mënyrë që të vijohet dialogu.

Ka kaq shumë gënjeshtra dhe fabrikime për mua në Shqipëri, por unë pop res në heshtje që ata të bëjnë diçka, të formojnë një qeveri që të mund të flasim

citohet Vuçiç nga mediat serbe. 

Në programin “Serbia 2025” ai ka premtuar rrogë mesatare 900 dollarë dhe pensione 430-440 dollarë.  

Rusia ka njoftuar dislokimin e të parave raketa bërthamore hipersonike që e vendosin këtë vend në krye të sigurisë globale. E quajtur Avangard, raketa në fjalë lëviz me shpejtësi 27 herë më të lartë sesa shpejtësia e zërit dhe mund të mbajë ngarkesë efektive me forcë shpërthyese deri në 2 megatonë.

Asambleja e Përgjithshme e Kombeve të Bashkuara ka aprovuar një rezolutë që zgjat afatin e hetimeve për vdekjen misterioze të ish-sekretarit të Përgjithshëm të saj, Dag Hammarskjold, një diplomat suedez.

Ky i fundit vdiq gjatë një vizite në Afrikën e Jugut si pasojë e përplasjes së avionit me të cilin udhëtonte.