Blloku Bota

Ministri i Jashtëm serb. Ivica Daçiç, është shprehur se ka informacione sipas të cilave Norvegjia do të mbyllë ambasadën e vet në Prishtinë. Në një intervistë për Tv Pink, ai ka thënë se e ka marrë këtë informacion pas një takimi me sekretarin e Shtetit në Ministrinë e Jashtme norvegjeze, Eivind Vad Peterson dhe sipas tij kjo është një goditje për Prishtinën.

Në media të ndryshme po qarkullojnë lajme se kreu çeçen dhe një nga aleatët e ngushtë të presidentit rus, Ramzan Kadirov, po vdes. Kështu citohet një mesazh në Tik-Tok i djalit të tij, Adam Kadirov, që lutet për të atin.

Më herët është njoftuar se Kadirov vuan nga veshkat dhe në media kanë qarkulluar video të tij me pajisje mjekësore si vigona etj. 

Sekretarja amerikane e Thesarit, Janet Yellen do të zhvillojë nëj viiztë zyrtare në Kinë në datata 6-9 korrik të këtij viti gjatë së cilës raportohet se do të takojë zyrtarë të lartë kinezë, në një përpjekje për të rivendosur në shina marrëdhëniet mes të dyja vendeve.

Mediat citojnë Departamentin e Thesarit vizita synon krijimin e një marrëdhënieje të shëndetshme ekonomike me Pekinin, si dhe bashkëpunimin për çështje emergjente si klima dhe borxhi.

Vizita e Yellen vjen rreth një muaj pas vizitës në Kinë të sekretarit amerikan të Shtetit, Anthony Blinken.

Ministri i Jashtëm ukrainas ka deklaruar se Ukraina duhet pranuar menjëherë në NATO pas përfundimit të luftës me Rusinë. Ai ka bërë thirrje që Perëndimi të mos përsërisë gabimin e kancelares Angela Merkel në vitin 2008, dhe ka nënvizuar se e vetmja rrugë për të ndalur agresionin rus në të ardhmen është zgjerimi i Aleancës. 

Mos përsërisni gabimin e vitit 2008 kur anëtarësimi i Ukrainës u kundërshtua…E vetmja mënyrë për të mbyllur derën për agresionin rus kundër Europës dhe hapësirës euro-atlantike ështa pranimi I Ukrainës në NATO

Shtetet e Bashkuara të Amerikës kanë dhënë garanci direkte dhe të nivelit të lartë ndaj Rusisë se nuk kanë patur asnjë rol në revoltën e Jevgeni Prigozhinit dhe grupit të tij “Wagner”. Agjencia ruse e lajmeve “Tass” i ka lënë vend një lajmi të “The Wall Street Journal”, sipas të cilës kreu i CIA-s, William Burns ka telefonuar personalisht kreun e shërbimit rus të zbulimit Sergey Naryshkin.

Vendimi për largimin e shefit të Shtabit të Përgjithshëm të ushtrisë britanike ka shkaktuar reagim të ashpër ndaj Ministrisë së Mbrojtjes, mes një debati që ka përfshirë ushtrinë për shkurtimin e trupave.

Gjenerali Sir Patrick Sanders do të largohet nga detyra vitin e ardhshëm, pavarësisht se e ka marrë detyrën në qershor 2022.

SHBA, Britania e Madhe dhe Gjermania kanë reaguar përmes selive të tyre diplomatike dhe Ministrive të Jashtme për vendimin e fundit të qeverisë Kurti në Prishtinë që shpalli si terroriste dy organizata serbe. Të trija vendet ankohen se qeveria Kurti nuk është koordinuar me ta, çka lë të kuptohet se vendimi në fjalë hyn si argument në listën e argumenteve serbe kur vjen puna te ndërmjetësimi i dialogut.(E kemi pak si pa qejf xhaxhi Sandrin). 

Kancelari gjerman, Olaf Scholz, thotë se rebelimi i grupit Wagner nxori në pah rrezikun e transferimit të fuqisë ushtarake në duart e privatëve.

"Sigurisht, ajo që ndodhi në Rusi do të luajë një rol [në samit]. Është tejet e qartë se transferimi i pushtetit ushtarak në duar private është i papërgjegjshëm. Është shumë e rrezikshme", vuri në dukje ai.

Sipas tij, Perëndimi e kishte informacionin për atë që do të ndodhte dhe po i ndiqte nga afër ngjarjet e 24 qershorit pa ndërhyrë.

Dorëheqja e Alexis Tsipras nga drejtimi i Syrizas ka hapur lojën e pasuesit të tij. Gazeta e djathtë greke, “Kathimerini” shkruan se ndër emrat kryesorë për ta zëvendësuar Tsipras janë Efi Achtsioglou, që ka qenë minister e Punës në vitet 2016-2019 dhe është 38 vjeç.

“Politico” shkruan sot se Jens Stoltenberg do të mbetet në detyrën e Sekretarit të Përgjithshëm të NATO-s edhe për një vit.