Bashkësia Islame e Kosovës shkarkon Shefqet Krasniqin si Imam të Xhamisë së Madhe në Prishtinë

Gazeta “Express” raporton se Bashkësia Islame e Kosovës ka shkarkuar Shefqet Krasniqin, i cili ishte imam në Xhaminë e Madhe në Prishtinë. Gazeta i referohet vetë Krasniqit, i cili e ka deklaruar këtë gjatë një interviste në radio. “Ai ka thënë se pas janarit nuk po ligjëron më në këtë xhami, shkaku i shkarkimit të tij. Por, hoxha në fjalë, thotë se përkundër që nuk është më imam në ndonjë xhami, ai do të punojë dhe shërbej në të mirë të xhematit dhe se nuk synon poste të tilla”, shkruan “Express”. Krasniqi u bë shumë i njohur me predikimet e tij, por edhe sepse u ndalua si i dyshuar për nxitje të veprimtarive radikale.
http://www.gazetaexpress.com/mobile/lajme/biku-e-shkarkon-sh...