Asnjë urim nga Putin për Trump, Peskov: SHBA, vend jomiqësor

Ndonëse hamendësohet shumë për një lidhje të paqartë dhe madje shtënguese mes Donald Trump dhe Vladimir Putin të Rusisë, ky i fundit ende nuk e ka uruar presidentin e ri të SHBA. 

Zëdhënësi i Kremlinit, Dmitry Peskov ka deklaruar se nuk ka një informacion nëse Putin do ta urojë Trump, por ai ka vënë në dukje se heshtja e deritanishme lidhet me gjendjen zyrtare të marrëdhënieve mes të dy vendeve:

Sugjeroj të mbahet parasysh se po flasim për zgjedhjet që janë zhvilluar në një vend që është jomiqësor me ne dhe në një vend që është përfshirë në konfliktin mbi Ukrainën

ka thënë ai.

Duhet thënë se në dallim nga viti 2016, thuajse të gjithë liderët e Perëndimit dhe botës, kanë uruar menjëherë Donald Trump, sapo u konfirmua arritja e shumicës së votave elektorale duke sqaruar kështu se iluzionet e para 4 viteve kanë mbaruar.