Ikona gjeorgjiane e shahut padit Netflix

Ikona gjeorgjiane e shahut Nona Gaprindashvili ka paditur për shpifje platformën Netflix. Gaprindashvili thotë se është portretizuar në mënyrën e gabuar në serialin e suksesshëm “The Queen's Gambit”.

Rasti i referohet një sekuence në episodin përfundimtar të dramës, ku thuhet se Gaprindashvili, aktualisht 80 vjeçe, nuk kishte bërë kurrë një garë shahu me burra.

Dokumenti thotë se deri në vitin 1968, viti në të cilin është vendosur episodi, ajo ishte përballur me të paktën 59 lojtarë meshkuj.

Ndërkohë, Netflix thotë se ka "respektin më të madh" për Gaprindashvili dhe "karrierën e saj të shquar", por do ta mbrohet në gjykatë.

“The Queen Gambit” bazohet në romanin e 1983 të Walter Tevis dhe ka në qendër një shahist imagjinar të quajtur Beth Harmon, të luajtur nga Anya Taylor-Joy. Seriali u publikua vitin e kaluar dhe pati shumë sukses.

Në episodin e fundit, një komentator përmend Gaprindashvilin kur përshkruan Harmon: "E vetmja gjë e pazakontë për të, me të vërtetë, është seksi i saj. Dhe madje kjo nuk është unike në Rusi. Është Nona Gaprindashvili, por është femra kampione botërore dhe kurrë nuk është përballur me burra".

E lindur në 1941 në qytetin gjeorgjian të Zugdidi, Gaprindashvili filloi të luante shah në moshën 13 vjeç. Kur u bë Kampionati Botëror për femra në moshën 20 vjeç, ajo ishte gruaja e parë që iu dha titulli i mjeshtrit të madh.

"Deri në vitin 1968, - thotë padia e cituar nga BBC, Gaprindashvili, - kishte konkurruar kundër të paktën 59 shahistë meshkuj (28 prej tyre në një lojë simultane), përfshirë të paktën 10 mjeshtra të asaj kohe".

Gaprindashvili, e cila jeton në Tbilisi dhe vazhdon të konkurrojë në turnetë e shahut, kërkon 5 milionë dollarë (3.6 milion) në kompensim dhe heqjen e deklaratës se ajo kurrë nuk kishte luajtur përballë shahistëve meshkuj. Padia thotë se një pasazh i librit në të cilin bazohet skenari është ndryshuar.

Filmi është parë nga më shumë se 62 milion familje në 28 ditët e para pas lançimit, sipas Netflix. Ai fitoi dy çmime në Golden Globe këtë vit dhe 18 nominime në Emmy Aëards, ndërkohë që ceremonia e këtyre të fundit mbahet këtë fundjavë.