Signal zgjidh problemet teknike pas dyndjes së përdoruesve që braktisën Whatsapp-in

Platforma e mesazheve, Signal, u ka dhënë fund problemeve teknike, të cilat u bënë pengesë për shërbimin, pasi shumë përdorues të rinj u bënë pjesë e saj.

Të premten, shumë përdorues raportuan se mesazhet që nuk dërgonin si nga versioni mobile edhe ai desktop i aplikacionit nuk shkonin te marrësi.

Ka pasur rritje të interesit nga ana e përdoruesve të rinj që kur rivali i saj, WhatsApp, zbuloi kushtet e reja të privatësisë javën e kaluar.

Signal u bëri thirrje përdoruesve të vazhdojnë ta përdorin shërbimin dhe të raportojnë çdo problem tjetër. Në një seri postimesh në Tuiter, përdoruesit u paralajmëruan se mund të shihnin gabime në disa nga bisedat, duke përfshirë mesazhe të humbura, por kjo nuk do të ndikonte në sigurinë e tyre.

"Sinjali është kthyer! Faleminderit miliona përdoruesve të rinj të Sinjalit në të gjithë botën për durimin tuaj."

Si Signal, ashtu edhe Telegram, një tjetër aplikacion pa pagesë i mesazheve të koduara, kanë përfituar nga pakënaqësia e shkaktuar nga ndryshimi i rregullave të WhatsApp, i cili u tha dy miliardë përdoruesve të tij se të dhënat e tyre mund të ndahen me me kompaninë e saj mëmë, Facebook, nëse ata dëshirojnë të vazhdojnë ta përdorin. Kjo nuk vlen për përdoruesit në Britaninë e Madhe dhe Evropë, por njoftimi iu dërgua të gjithëve.