Vrasja e Soleimanit nga SHBA, kush ishte gjenerali i heshtur iranian

Gjenerali iranian, Kasem Sulejmani, i cili u vra në një sulm ajror të SHBA-ve në Bagdat ishte një nga personalitetet më të njohura në Iran dhe një nga rivalët më të fikshëm për Shtetet e Bashkuara dhe aleatatët e tyre.

Shefi i Forcave Kunds, të quajtura kështu sipas emrit të Jeruzalemit në persisht ka qenë njeriu kryesor në proceset politike për formimin e qeverisë irakiane që nga viti 2018.

Për përkrahësit, por edhe armiqtë e tij, Sulejmani  luajti një rol qendror në luftën kundër xhihadistëve në Irak, mbajti çelësat e ndikimit iranian në Lindjen e Mesme, sidomos në Irak dhe Siri, dy vende ku SH.B.A. është përfshirë ushtarakisht. "Perëndimi e konsideronte përgjegjës për eksportimin e revolucionit islamik në Iran, mbështetjen e terroristëve ... dhe për kryerjen e luftërave të Iranit jashtë vendit."

Shumë i kishin kërkuar të futej në në arenën politike, megjithatë,  ai kishte hedhur poshtë zërat se  dëshironte të garonte në zgjedhjet presidenciale në Republikën Islamike në 2021.  Sipas një studimi të publikuar në vitin 2018 nga Instituti IranPoll dhe Universiteti i Maryland, 83% e iranianëve të anketuar kishin një mendim të favorshëm për Suleyman, një figurë më e popullarizuar sesa Presidenti Hassan Rouhani.

Ushtarak me ndikim te madh ne Lindjen e Mesme

Veterani i Mbrojtjes së Shenjtë, siç konsiderohet në Republikën Islamike lufta Irak-Iran (1980-1988), demonstroi talentin e tij në territorin e Iranit. Çdo zhvillim politik ose ushtarak në Irak do të thoshte që komandanti i përgjithshëm do të vizitonte Bagdadin për të ndërmarrë veprime, nga fushat e betejës deri në korridoret e institucioneve të pushtetit dhe anasjelltas.

Ndikimi i tij i madh zgjati për shumë vite: ai ishte në krye të forcave Kuds kur SHBA-të pushtuan Afganistanin në vitin 2001, madje edhe duke koordinuar personalisht bashkëpunimin e ofruar fillimisht nga Teherani për administratën e George W. Bush në këtë luftë.

"Bashkëbiseduesit e mi iranianë ishin shumë të qartë: edhe pse ata e informuan ministrin e jashtëm, në fund gjeneral Sulejmani mori vendimet"-i tha BBC-së në 2013-ën, ish ambasadori amerikan në Afganistan dhe Irak, Ryan Crocker  Oficeri i lartë i Gardës Revolucionare kaloi në territorin e Libanit - përkrah fraksionit shiit të Hezbollahut - për pjesën më të madhe të luftës izraelite-libaneze 2006, siç zbuloi ai vetë në një intervistë ekskluzive me televizionin shtetëror iranian. Një zyrtar i lartë irakian e kishte përshkruar atë si një oligolog jashtëzakonisht të qetë, i cili rrallë e ngrinte zërin.

Sulejmani preferoi të qëndronte në hije për dekada. Ai u vu në qendër të shtypit pas shpërthimit të luftës në Siri në 2011. Irani, fuqia e madhe shiite në Lindjen e Mesme i dha ndihmë të vlefshme presidentit Bashar al-Asad në këtë konflikt.  

Fotografitë e tij në fushën e betejës, paraqitjet e tij dokumentare, madje edhe në një film vizatimor ose videoklipe këngësh, e kanë bërë atë një figurë të njohur në të gjithë rajonin. Ushtaraku 62-vjeçar, me mjekër gri gjithmonë të shkurtuar kishte dhjetëra mijëra ndjekës në llogarinë e tij në faqen e rrjeteve sociale Instagram.