Buxheti 2020, 37 mln dollarë do u ndahen pronarëve

Një mijë pronarë të cilëve u është e njohur e drejta e pronësisë do të përfitojnë vitin e ardhshëm shumat përkatëse nga Agjencia e Trajtimit të Pronave.

Ministrja e Drejtësisë Etilda Gjonaj ka raportuar në Komisionin Parlamentar të Ligjeve se në dispozicion të Agjencisë së Trajtimit të Pronave janë vënë për vitin e ardhshëm rreth 37 milionë dollarë me këtë qëllim.

Agjencia e Trajtimit të Pronave kompenson mesatarisht 800 pronarë në vit, shifër që sipas Qeverisë është e ulët, ndërkohë që po merren masat që numri të rritet në vijim.