Studimi/“Paçavuret” televizive që i hapën rrugë populizmit

A mundet që televizioni, dhe sidomos emisionet e ashtuquajtura si “paçavure” televizive, të ndikojnë  në zgjedhjet tona politike? Ekspertët që kryen një studim mbi marrëdhënien e televizionit me jetën politike në Itali kanë arritur në përfundimin se emisionet argëtuese me cilësi të ulët u kanë hapur rrugë populistëve dhe politikës së tyre.

Para viteve 1980 në Itali mbizotëronte rrjeti televiziv shtetëror RAI, i cili vlerësohej shumë. Në këtë periudhë një rrjet televiziv i thjeshtë dhe agresiv si "Mediaset" hyri në tregun e TV dhe u zgjerua në të gjithë vendin, duke blerë stacione të vogla televizive lokale. Duke shfaqur filma vizatimorë me bollëk, telenovela, emisione sportive, filma dhe emisione argëtuese pa ndonjë bosht, kjo media minoi në mënyrë efektive misionin edukativ të RAI-t.

Vlerësimi

Deri në vitin 1990, 49 në 50  italianë në të gjithë vendin mund të shihnin programet e Mediaset. Kjo ngjarje e pazakontë u dha mundësi një grup ekonomistësh italianë të krahasoni qytetet që kishin akses më herët në Mediaset me rajonet e tjera që fituan qasje më vonë.

Rezultatet e sondazhit janë të pamohueshme dhe mjaft shqetësuese. Sipas American Economic Review, programet e e cilësisë së ulët të Mediaset kanë nxitur mbështetje të konsiderueshme për kandidatët populistë që kanë përçuar mesazhe të thjeshta. Shumë do të besojnë se kontributi i programeve televizive në rritjen e populizmit ka si shkak  themeluesin dhe pronarin e Mediaset, Silvio Berluskoni, një politikani i njohur populist dhe ish kryeministër i Italisë.

Megjithatë, studiuesit kanë bërë përpjekje të mëdha për të provuar se kjo marrëdhënie televizive-politike nuk ka lidhje vetëm me Berlusconin. Përkundrazi, një mbështetje e ngjashme u regjistrua edhe me kandidatë të tjerë populistë, si drejtuesit e Lëvizjes 5 Yjet, një parti e lindur nga blogu i aktorit komik, Bepe Grillo, dhjetë vjet më parë.

Në një test ndërkombëtar të mbajtur në vitin 2012, të rinjtë italianë nga zonat ku ata qenë të ekspozuar ndaj programeve të Mediaset, u përkeqësuan më shumë në testet e leximit dhe matematikës sesa bashkëmoshatarët e tyre. Ata ishin gjithashtu më pak aktivë politikisht dhe më pak të vetëdijshëm në aspektin shoqëror.

Prandaj, nuk është e habitshme se si këto njerëz që ndiqnin  programet televizive të Mediaset u mahnitën nga Berluskoni dhe më vonë nga Lëvizja 5 Yjet. Kur Mediaset ofroi një program të rregullt të lajmeve në fillim të vitit 1990, shikuesit më të vjetër ishin bërë kaq të varur nga programet argëtuese saqë ishin  të predispozuar të shihin edhe lajmet, duke u hapur rrugë koronave populiste.

https://www.kathimerini.gr/1035865/gallery/epikairothta/kosmos/kalpes-gemates-thleskoypidia