Bujqësori i Kamëzës, Universiteti më i mirë në Shqipëri

Universiteti Bujqësor në Kamëz mbetet Institucioni më i mirë i Arsimit të Lartë në Shqipëri. Vlerësimi vjen nga Këshilli i Lartë për Kërkimet Shkencore me qendër në Spanjë, i cili ka publikuar rezultatet e vitit 2017-të për universitetet më të mira për çdo shtet, përfshirë Shqipërinë.

Sic raporton gazeta “Dita” në vendin tonë, universiteti më i mirë ka rezultuar Universiteti Bujqësor në Kamëz, i cili mbetet gjithnjë zgjedhje e dytë ose e tretë për studentët shqiptarë. Pas tij, me një diferencë të madhe pikësh renditet Universiteti Epoka. Podin e mbyll Universiteti i Tiranës i ndjekur në vendin e katërt nga Universiteti Politeknik i Tiranës.