Nisi festa e Rio 2016, samba protesta, dhe shumë vende bosh në stadium (Foto)

Me samba,  protesta  dhe shume vende bosh ne stadium startuan mbrëmë zyrtarisht Lojrat Olimpike. Ceremonia e hapjes e zhvilluar në Rio De Zhaneiro ishte mbresëlënëse, jo për pomozitetin e saj, por për ngjyrat e shumta dhe mesazhet e përcjella.

Natyra, e shkuara dhe sotshmja e Brazilit ishin pjesë e shfaqes në stadiumin “Marakana”, me kapacitet 80 mijë vendësh, 2/3-at e të cilit sipas raportimeve nga gazetarët ishin bosh. Një lojë dritash, muzikë dhe pjesëmarrja e shumë akrobatëve ishin thelbi i kësaj ceremonie, që nisi në orën 1 pas mesnate me kohën shqiptare. N

ë fund radha ishte e ekipeve të parakalonin ku nuk munguan ai i Shqipërisë dhe i Kosovës, ky i fundit debutues në një eveniment të këtij niveli. Shqipëria do të ketë përfaqësimin e tetë në Lojrat Olimpike. Ekipi shqiptar përfaqësohet nga 6 sportistë, nga të cilët 2 atletë, 2 peshëngritës dhe 2 notarë.  Luiza Gega, nënkampionia e Europës në 3000 metra me pengesa ishte flamurmbajtësja për ekipin shqiptar.