Shokuese! Aktorja me fëmijët shpëton mrekullisht nga flakët.

Aktorja e famshme e “Titanik”-ut, britanikja Kate Winslet (35) dhe fëmijët e saj, vajza Tia (10) dhe  djali Joe (7) shpëtuan mrekullisht nga flakët që përfshinë mbrëmjen e shkuar vilën verore të miliarderit Richard Branson (61), në një ishull privat në Karaibe, ku ajo së bashku me fëmijët dhe disa të ftuar të tjerë kishte shkuar për pushime. Ajo që ishte menduar si pushim i qetë dhe çlodhës për pak sa nuk u kthye në tragjedi për aktoren dhe familjen e saj. Një zëdhënës i miliarderit i tha agjensise britanike të lajmeve PA se në momentin e shpërthimit të zjarrit në vilën luksoze në ishullin Necker ndodheshin rreth 20 persona, mes te cilëve edhe Kate Winslet dhe fëmijët e saj. Por fatmirësisht të gjithë të ftuarit dolën nga shtëpia në kohë pa pësuar asnjë dëm duke shmangur kështu një tragjedi të vërtetë.

A. Kola