Presidenti kërkon hetim ndërkombëtar për ndërtimet te Parku i Liqenit Artificial të Tiranës

Presidenti i Republikës, Bujar Nishani, ka iniciuar një kërkesë për hetim ndërkombëtar për ndërtimet në Parkun e Liqenit të Tiranës. Ky fakt ëhstë bërë i ditur prej vetë Nishani, gjatë një takimi të tij sot, me përfaqësues të shoqërisë civile, me kërkesë të këtyre të fundit. “Presidenti Nishani vuri në dukje nevojën e domosdoshme të: “konsolidimit të mekanizmave ligjorë dhe institucionalë për garantimin e të gjitha të drejtave tona”, duke i informuar gjithashtu të pranishmit se ka kërkuar në mënyrë institucionale një hetim të pavarur e të paanshëm ndërkombëtar të ndërtimit në parkun e Liqenit artificial të Tiranës, në respekt dhe zbatim të Konventës së Aarhusit, nënshkruese e së cilës është edhe vendi ynë”, njofton Presidenca.

presidenti