Egjipti dhe Arabia Saudite njoftojnë ndërtimin e një ure mbi Detin e Kuq
Pasi u ndërtua kanali, tani do të ndërtohet ura. Kjo po ndodh mes Egjiptit dhe Arabisë Saudite, vende fqinje të cilat kanë njoftuar ndërtimin e një ure në detin e Kuq. Lajmi është bërë publik gjatë vizitës së mbretit saudit, Salman, në Egjipt, ku ai ka takuar presidentin egjiptian, Abdul-Fattah al-Sisi. Ky i fundit ka shtuar se ura do të mbajë emrin e monarkut saudit. Egjipti është vendi me popullsinë më të madhe arabe, ndërkohë Arabia Saudite ka një rol të madh në botën arabe, si pasojë e pasurisë që posedon. Egjipti kishte rënë dakord për ndërtimin e urës që në vitin 2011, por me sa duket ajo tani do të hyjë në fazë konkretizimi. Projekti ka nisur të diskutohet që në vitin 1988.
Comments
Ishalla del ndonje pus nafte
Ishalla del ndonje pus nafte ne mes te Adriatikut, qe te bejme nje ure me Italine, dhe te realizohet profecia e Pandi Majkos per kete pune, sikunder edhe me autostraden e Kosoves.
Pandi Majko, nje enderrimtar realist, dhe largpames me kembe ne toke.
Add new comment