Rusi: Ndalohet drejtuesja e grupit të vetëm të vëzhgimit të zgjedhjeve

Anëtarët e grupit të vetëm monitorues të zgjedhjeve në Rusi thanë se drejtuesja e tyre u ndalua për 12 orë në aeroportin e Moskës, para zgjedhjeve parlamentare të së djelës.

Zyrtarët e doganës mbajtën drejtuesen e organizatës Golos, Lilya Shibanova në aeroportin Sheremetievo pasi ajo refuzoi të dorëzonte laptopin e saj tek oficerët e sigurisë që kërkonin të inspektonin kompjuterin për programe të paligjshme. Ajo u lirua pasi dorëzoi kompjuterin.

Ndalimi pason një incident dje kur një gjykatë e Moskës gjobiti grupin Golos me gati një mijë dollarë për publikimin në internet të shkeljeve të ligjit elektoral në Rusi. Golos ka grumbulluar gati 5 mijë ankesa për dhunë.

Menaxheri për marrëdhëniet me publikun i organizatës Golos i tha Zërit të Amerikës se vendimi i gjykatës nuk do ta ndalë grupin të bëjë punën të djelën.

Zëri i Amerikës