Karburantet, 592 pika jashtë standardeve
![](https://www.respublica.al/sites/default/files/styles/large/public/2015/07/29/4604_1_1634.jpg?itok=bWXdxEbs)
Deri në fund të gushtit, janë 592 pika shitjeje karburantesh të cilësuara nga Inspektorati Qendror Teknik si jashtë standardeve. Lajmi bëhet i ditur nga Gazeta Shqiptare, e cila i referohet rezultatit të kontrollit të Shoqatës së Shoqërive të Hidrokarbureve, sipas së cilës raporti është mjaft shqetësues duke qenë se përmes tij rezulton se cënohen si interesat e konsumatorëve.
Sipas Shoqatës së Shoqërive të Hidrokarbureve, konsumatorët blejnë produkte nën cilësinë dhe nën sasinë e duhur, por edhe vetë kompanitë serioze të tregut, të cilat shohin që produktet në fund të zinxhirit të tregut nuk përqasen fare me ato që importojnë nga vendet e BE-së.
Shkeljet kanë të bëjnë në masë të madhe me cilësinë e karburanteve që tregtojnë, ashtu si dhe me metrologjinë, pra me respektimin e sasisë së produkteve.
"Nëpër tabelat e disave prej pikave shihen çmime më të ulëta nga çmimet me të cilat importohet nafta prej tregtarëve kryesorë. Është e pamundur
që një pikë karburanti fundore ta ketë çmimin më të ulët se ai i kompanive importuese. Alternativat janë dy: Ose e kanë përzierë me produkte jocilësore, ose shesin më pak nga ç'tregon aparati",- sqaron koordinatori i Shoqërive të Hidrokarbureve.
Ballkanweb.com
Add new comment